მერაბ ბოლქვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი, არქიტექტურის სპეციალობით 1979 წელს.

უმაღლესი სასწავლებლის დამთავრების შემდეგ მუშაობა დაიწყო საპროექტო ინსტიტუტ "თბილქალაქპროექტის" ქალაქგეგმარების სამმართველოში არქიტექტორად, წამყვან არქიტექტორად, ჯგუფის ხელმძღვანელად და პროექტის მთავარ არქიტექტორად; 2000 წლის შემდეგ ეს ორგანიზაცია გადაკეთდა შპს "თბილქალაქპროექტად" და მუშაობა იმავე თანამდებობაზე განაგრძო; საპროექტო ინსტიტუტ "თბილქალაქპროექტში" მუშაობის პერიოდში მისი მონაწილეობითა და ხელმძღვანელობით დამუშავებულ იქნა მთელი რიგი ქალაქგეგმარებითი სფეროს და სატრანსპორტო კვანძების მნიშვნელოვანი ობიექტები, მათ შორის: ქ. თბილისის დიდი დიღმის V-VI მ/რაიონებისა და "ვარკეთილი-3" I, II, III, IV მ/რაიონების განაშენიანების პროექტები, "ვარკეთილი-III" დეტალური დაგეგმარების პროექტი, ავჭალის გზატკეცილის რეკონსტრუქციის პროექტი, ქ. ზუგდიდის მიწათსარგებლობის გენერალური გეგმა, რეკრიაციული ზონის დაგეგმარების პროექტი ქ. ბენღაზში, სანატორიუმი "ЮГ"-ის საცხოვრებელი მ/რაიონი ქ. სოჭში, განაშენიანების რეგულირების გეგმა სოფ. ლისის მიმდებარედ, სასტუმროს შენობები ქ. თბილისში და ქ. ბათუმში, მრავალფუნქციური შენობა გაგარინის ქუჩაზე და წერეთლის გამზირზე ქ. თბილისში და სხვა; მონაწილეობა აქვს მიღებული სხვადასხვა ადგილობრივ და საერთასორისო კონკურსებში; საქართველოს არქიტექტორთა კავშირის წლის საუკეთესო პროექტის პრემიით დაჯილდოვდა სასტუმროს შენობის პროექტი ქეთევან წამებულის ქუჩაზე, ქ. თბილისში (2001); ასევე საერთაშორისო კონკურსში წლის საუკეთესო პროექტის პრემია და ბრინჯაოს მედალი დაიმსახურა "ქ. თბილისის ურბანული განვითარების კონცეფცია" პროექტმა (2006); "ქ. თბილისის მიწათსარგებლობის გენერალური გეგმის განახლების" პროექტმა I პრემია მიიღო; მრავალწლიანი შემოქმედებითი საქმიანობისა და დამსახურებისთვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021.-გვ.71-72; საქართველოს ტექნიკური უნივერსიტეტის ვებგვერდი: my.gtu.ge

• 2023 - საქართველოს დამსახურებული არქიტექტორი

• საერთაშორისო ფორუმი მიწათსარგებლობა და ურბანული დაგეგმარების პრაქტიკები ევროკავშირთან ასოცირებული ქვეყნების ქალაქებში, (თანაავტორი). - თბილისი, 2019. - 36გვ.
• Tbilisi : Archive of transition (თანაავტორი). - Salenstein, Niggli, 2018. - 223p.. - ISBN: 9783721209839