კონდრატ მხეიძე

დაბადების ადგილი: სოფელი მანდიკორი, ტყიბულის რაიონი.

დაამთავრა ხარკოვის უნივერსიტეტის სამედიცინო ფაკულტეტი 1893 წელს.

ლონდონის სპეციალიზებულ დაწესებულებებში დახელოვნდა უროლოგიაში; სხვადასხვა დროს მუშაობდა თბილისის მიხეილის საავადმყოფოში ორდინატორად, ბათუმის სანიტარულ ექიმად, ბათუმის საავადმყოფოს ქირურგ-ორდინატორად, განყოფილების გამგედ, მთავარ ექიმად; იყო აჭარის ჯანმრთელობის დაცვის სახალხო კომისრის მოადგილე, საექიმო ექსპერტიზის უფროსი. მისი შრომები ეხება ვენეროლოგიის აქტუალურ საკითხებს. ვენეროლოგი, უროლოგი, ჯანმრთელობის დაცვის ორგანიზატორი და პირველი ქართველი სანიტარული ექიმი.

წყარო: მედიცინა აჭარაში XIX საუკუნის ბოლოსა და XX საუკუნის დასაწყისში / ეთერ კიღურაძე