ავთანდილ გაბიჩვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი, მაგისტრალური და საქალაქო საავტომობილო გზების მშენებლობის სპეციალობით 1961 წელს.

1961-1963წწ. მუშაობდა საქართველოს სახალხო მეურნეობის საბჭოს სამეურნეო სამმართველოში ინჟინრად; 1964-1968წწ. საქართველოს საავტომობილო გზების მთავარი სამმართველოს №4 საგზაო სარემონტო-სამშენებლო სამმართველოში მშენებელ ოსტატად, უფროს სამუშაოთა მწარმოებლად; 1968 წელს საქართველოს საავტომობილო გზების მთავარი სამმართველოს, საქართველოს საავტომობილო გზების სამინისტროდ რეორგანიზაციის შემდეგ, მუშაობა გააგრძელა აღნიშნულ ორგანიზაციასი, სადაც მუშაობდა 1979 წლამდე; 1979 წელს დაინიშნა საქართველოს სასოფლო მშენებლობის სამინისტროს ტრესტ "საქსოფელგზამშენი"-ს მთავარ ინჟინრად; 1981 წელს გადაყვანილ იქნა საქართველოს მშენებლობის სამინისტროს №13 სამშენებლო ტრესტის №20 სპეციალიზებული მოძრავ-მექანიზებული კოლონის უფროსად; 1982 წელს დაინიშნა საქართველოს ჯანმრთელობის დაცვის სამინისტროს რესპუბლიკურ სპეციალიზებულ სამონტაჟო-გამმართველი სამმართველოს "საქმედენერგოავტომატიკ"-ის უფროსად; დიდი წვლილი აქვს შეტანილი საქართველოს საავტომობილო გზების ქსელის განვითარებისა და სრულყოფის საქმეში, საქართველოს მასშტაბით, სასოფლო-სამეურნეო გზების წესრიგში მოყვანისა და ახალი საავტომობილო გზების მშენებლობის მიმართულებით; დიდი შრომა აქვს გაწეული ჯანდაცვის სისტემის სამედიცინო დაწესებულებების ახალი, თანამედროვე მოწყობილობა-დანადგარებით უზრუნველყოფისათვის; მისი უშუალო მონაწილეობით აშენებულ იქნა "თბილისი-აეროპორტისა" და "ზაჰესი-ნატახტრის" ავტოსტრადები; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 76