თეიმურაზ გელაშვილი

დაბადების ადგილი: ლაგოდეხის რაიონი.

დაამთავრა საქართველოს პოლიტექნიკური ინსტიტუტის სამთო ფაკულტეტი და მიენიჭა სამთო ინჟინერ-მექანიკოსის კვალიფიკაცია 1971 წელს.

1971 წელს მუშაობა დაიწყო საქართველოს მშენებლობის სამინისტროს მექანიზაციის სპეციალიზებული ტრესტის 2 მექანიზაციის სამმართველოში, ჯერ მშენებელ ოსტატად, შემდეგ სამუშაოთა მწარმოებლად. იყო ამავე სამმართველოს მთავარი ინჟინერი; 1980-1987წწ. სამმართველოს უფროსი; 1988-1990წწ. მუშაობდა თბილისის საქალაქო საბჭოს აღმასკომის დაქვემდებარებაში არსებული სამშენებლო-სამონტაჟო ტრესტ "ინჟმშენის" მექანიზაციის სამმართველოს უფროსად; 1991 წელს დააფუძნა შპს "ჰიდროსერვისი", რომლის გენერალური დირექტორია; აღნიშნული კომპანია არის იაპონური და ჩინური სამშენებლო ტექნიკის მწარმოებელი კომპანიის "KOMATSU"-ს და "SANI"-ს ოფიციალური დილერი საქართველოში; მისი უშუალო მონაწილეობითა და ხელმძღვანელობით შესრულებულია მნიშვნელოვანი სამრეწველო და სამოქალაქო დანიშნულების ობიექტების ფუძე-საძირკვლების მოწყობის სამუშაოები; პროფესიული შრომითი საქმიანობის პარალელურად ეწეოდა ქველმოქმედებას - ლაგოდეხის რაიონის სოფელ გერგენიანში ააშენა წმ. ბარბარეს სახელობის ეკლესია; არის ქ. ლაგოდეხის საპატიო მოქალაქე; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 83