ზურაბ გელაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი, ხიდებისა და გვირაბების მშენებლობის სპეციალობით 1974 წელს.

1974-1977წწ. მუშაობდა საქართველოს საავტომობილო გზების სამინისტროს საპროექტო-საზიებო ბიუროს ჯერ ინჟინრად, შემდეგ კი უფროს ინჟინრად, ხელოვნური ნაგებობებისა და ხიდების განყოფილებაში; 1977-1994წწ. მუშაობდა საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის, გამოყენებითი დრეკადობის თეორიის განყოფილების მეცნიერ-თანამშრომლად; იყო საექსპერტო ჯგუფის ინჟინერ-ექსპერტი. ამავე ინსტიტუტში მუშაობის პერიოდში დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი; 1995-2002წწ. იყო ქ. თბილისის მერიის კეთილმოწყობის საქალაქო სამსახურის ხიდებისა და გვირაბების მოვლა-პატრონობის საწარმოო მთავარი ინჟინერი. პარალელურად (შეთავსებით) იყო შპს "ჯეოინჟინერინგი"-ს საპროექტო ჯგუფის სექტორის ხელმძღვანელი; 2003-2007წწ. იყო შპს "აიდიემი"-ს საპროექტო განყოფილების ხელმძღვანელი - ტექნიკური დირექტორი; 2007 წლიდან არის შპს "აიდიემი"-ს მმართველი დირექტორი; 1994-2007წწ. ეწეოდა პედაგოგიურ მოღვაწეობას (შეთავსებით), იყო საქართველოს ტექნიკური უნივერსიტეტის "ხიდებისა და გვირაბების" კათედრის ჯერ დოცენტი, შემდეგ ასოცირებული პროფესორი; 2016 წლიდან არის სსიპ "ლევან სამხარაულის სახელობის სასამართლო ექსპერტიზის ეროვნული ბიურო"-ს მიწვეული ექსპერტი - ხიდებისა და ხელოვნური ნაგებობების მიმართულებით; მისი უშუალო მონაწილეობითა და ხელმძღვანელობით დამუშავებულ იქნა საპროექტო დოკუმენტაცია მნიშვნელოვანი ავტოსაგზაო ობიექტების მსენებლობისათვის. მათ შორის: შიდა სახელმწიფოებრივი გზები საერთო კოლომეტრაჟით 100 კმ., ხარაგაულის მუნიციპალიტეტში "ღორეშა-ხარაგაულის" საავტომობილო გზის რეაბილიტაცია და სახიდე გადასასვლელის მშენებლობა, "E-60 ავტომაგისტრალის" რიკოთის გვირაბის მონაკვეთის მშენებლობის პროექტი, "სამცხე-ჯავახეთის" საავტომობილო გზების რეაბილიტაციის პროექტი, "ხერთვისი-ვარძიის" საავტომობილო გზის პროექტი და სხვა; გამოქვეყნებული აქვს 15 სამეცნიერო სტატია გარსთა თეორიის საფუძვლებზე, დამუშავებული აქვს გარემოს დაცვითი და სიციალური დაცვის დოკუმენტაცია საავტომობილო გზების მონაკვეთისათვის; მრავალწლიანი შრომითი საქმიანობისა და პედაგოგიური მოღვაწეობისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 83-84