პროკოფი გელხვიძე

დაბადების ადგილი: მაიაკოვსკის (ამჟამად ბაღდათის) რაიონი.

დაამთავრა რკინიგზის ტრანსპორტის ინჟინერთა ინსტიტუტის სატრანსპორტო ფაკულტეტი და მიენჭა მიმოსვლის გზათა ინჟინრის კვალიფიკაცია 1941 წელს.

1941-1945წწ. მონაწილეობდა მეორე მსოფლიო ომში; იყო სტალინგრადის დაცვის მონაწილე; 1945-1951წწ. მუშაობდა საქართველოს მშენებლობის სამინისტროს სისტემაში - სამშენებლო სამმართველოების "ჭიათურმშენისა" და "ზესტაფონმშენის" სამუშაოთა მწარმოებლად; ამავე სამინისტროს №153 სამშენებლო სამმართველოს მთავარ ინჟინრად; 1955-1957წწ. მუშაობდა სსრკ სატრანსპორტო მშენებლობის სამინისტროს სისტემაში, სამშენებლო-სამონტაჟო ტრესტ "ამიერკავკასტრანსმშენში" სამუშაოთა მწარმოებლად; 1967-1976წწ. მუშაობდა თბილისის საქალაქო საბჭოს აღმასკომის კეთილმოწყობის სამმართველოს კაპიტალური მშენებლობის განყოფილების უფროსად, ასევე საქალაქო საბჭოს აღმასკომის დაქვემდებარებაში არსებული სამშენებლო-სარემონტო ტრესტის სამშენებლო-სარემონტო სამმართველოს უფროსად; 1976-1977წწ. იყო საქართველოს მინისტრტა საბჭოსთან არსებული სახელმწიფო კომიტეტის - "საქსოფელტექნიკის" ერთ-ერთი საწარმოს უფროსი; 1978-1981წწ. საქართველოს ვაჭრობისა და სოფლისმეურნეობის სამინისტროების სარემონტო-სამშენებლო სამმართველოების უფროსი; მისი უშუალო მონაწილეობითა და ხელმძღვანელობით აშენებულ იქნა მრავალი მნიშვნელოვანი სატრანსპორტო, საზოგადოებრივი და ინფრასტრუქტურული დანიშნულების ობიექტი საქართველოს სხვადასხვა ქალაქებში - თბილისში, სოხუმში, გაგრაში და სხვაგან; მიღებული ჰქონდა საქართველოს სსრ უმაღლესი საბჭოს პრეზიდიუმის საპატიო სიგელი მრავალწლიანი წარმატებული შრომითი საქმიანობისათვის.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 85

• 1984 - საქართველოს დამსახურებული ინჟინერი
• წითელი დროშის ორდენი
• ღირსების ორდენი