გურამ გერაძე

დაბადების ადგილი: სოფელი ბაში, სამტრედიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1979 წელს.

1979-1981წწ. მსახურობდა საბჭოთა არმიის რიგებში, სამხედრო ინჟინრად; 1981-1994წწ. მუშაობდა საქართველოს მშენებლობის სამინისტროს №4 სამშენებლო ტრესტის სისტემაში, ქუთაისის საავტომობილო ქარხნის რეკონსტრუქციაზე ინჟინრად, უფროს ინჟინრად და განყოფილების უფროსად; 1994-2001წწ. მუშაობდა მოსკოვში, სამშენებლო ფირმა "ბემ"-ში, საწარმოო ტექნიკური განყოფილების ინჟინრად; 2001-2005წწ. სამშენებლო ფირმა "მინსკაია-2"-ში, საწარმოო-ტექნიკური განყოფილების უფროსად; 2006-2010წწ. იყო სამშენებლო ფირმა "ბმ კაპიტალ"-ის მთავარი ინჟინერი; საქართველოში დაბრუნების შემდეგ, 2010 წლიდან მუშაობს შპს "ბკ კაპიტალი"-ს და შპს "ბკ ქონსტრაქშენი"-ს მთავარ ინჟინრად; დიდი წვლილი აქვს შეტანილი ისეთი სამშენებლო პროექტების წარმატებით განხორციელებაში, როგორებიცაა: ელიტარული საცხოვრებელი კომპლექსი ქ. მოსკოვში მინსკის ქუჩაზე (1995-1998), მრავალსართულიანი საცხოვრებელი კომპლექსები, ასევე ქ. მოსკოვში, ტოლბუხინისა და ნახიმოვის პროსპექტებზე (2001-2009), "საქართველო ბანკის" სათავო ოფისი, ქ. თბილისში (2010-2011), "ივერიის ყოვლადწმინდა ღვთისმშობლის ხატის" სახელობის ტაძრის მშენებლობა, ქ. თბილისში, მახათას მთაზე (2013-2017), სავაჭრო ცენტრები "გალერეა თბილისი" და "სითი მოლი საბურთალო", სასტუმროები ქ. თბილისში, წინანდალში, გუდაურში და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 86