აბესალომ გოგატიშვილი

დაბადების ადგილი: სოფელი გომი, ხაშურის რაიონი.

1937 წელს ჩაირიცხა საქართველოს პოლიტექნიკური ინსტიტუტის არქიტექტურის ფაკულტეტზე; 1941 წელს გაწვეულ იქნა დიდ სამამულო ომში, სადაც იბრძოდა მის დამთავრებამდე; ომის დამთავრების შემდეგ ინსტიტუტში სწავლა გააგრძელა და 1947 წელს დაამთავრა არქიტექტურის სპეციალობით; 1947-1965წწ. მუშაობდა საქართველოს მშენებლობის სამინისტროს №1 სამშენებლო ტრესტ "ამიერკავკასმეტალუეგმშენი"-ს ბინათმშენებლობის სამმართველოში, სადაც განვლო სამსახურებრივი წინსვლის გზა, სამუშაოთა მწარმოებლის თანამდებობიდან სამშენებლო სამმართველოს უფროსის თანამდებობამდე; 1965 წელს დაინიშნა ქ. რუსთავის სახლმშენებელი კომბინატის დირექტორად; 1967-1968წწ. ხელმძღვანელობდა ქ. ტაშკენტში მიწისძვრის შედეგად დაზიანებული შენობების აღდგენას და ახალი ობიექტების მშენებლობას; დიდი წვლილი მიუძღვის ქ. რუსთავის საცხოვრებელი მიკრორაიონებისა და ცალკეული კვარტლების მშენებლობაშ; 1973 წლიდან მუშაობდა რუსთავის მეტალურგიული ქარხნის კაპიტალური მშენებლობის სამმართველოს მთავარ ინჟინრად; აქტიური მონაწილეობა აქვს მიღებული მეტალურგიული კომბინატის საამქროების განახლებისა და ახალი სიმძლავრეების ათვისების საქმეში; 1956-1979წწ. არაერთგზის იყო არჩეული რუსთავის საქალაქო საბჭოს დეპუტატად; იყო საქართველოს კომპარტიის რუსთავის საქალაქო კომიტეტის ბიუროს წევრი; სამამულო ომში მონაწილეობის დროს გამოჩენილი თავდადებისა და ომის შემდგომ პერიოდში შრომითი დამსახურებისთვის დაჯილდოებული იყო საბრძოლო და შრომითი ორდენებით და მედლებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 93-94

• 1973 - საქართველოს დამსახურებული ინჟინერი
• სსრკ სახალხო მეურნეობის მიღწევათა გამოფენა (ВДНХ) (ბრინჯაოს მედალი)
• დამსახურებული რაციონალიზატორი