ნინო ჭიჭინაძე

დაამთავრა თბილისის სახელმწიფო სამხატვრო აკადემიის ხელოვნების ისტორიისა და თეორიის ფაკულტეტი 1984 წელს; თბილისის უცხო ენათა ინსტიტუტის იტალიური ენის კურსები 1985 წელს.

1984-1987წწ. - საქართველოს მეცნიერებათა აკადემიის გ. ჩუბინაშვილის სახელობის ქართული ხელოვნების ისტორიის ინსტიტუტი, ლაბორანტი; 1987-1990წწ. - ამავე ინსტიტუტის უმცროსი მეცნიერ-თანამშრომელი; 1991-1992წწ. - ხელოვნების მენეჯერთა კოლეჯი, ლექტორი; 1992-1994წწ. თბილისის ჰუმანიტარული კოლეჯი, ლექტორი; 1994 წელს - საერთაშორისო კულტურის ცენტრი "დესპანი", კონსულტანტი; 1994-1995წწ. - გალერეა "ვაჩა", კონსულტანტი; 1991-2006წწ. - თბილისის სახელმწიფო სამხატვრო აკადემია, ლექტორი; 1990 წლიდან - საქართველოს მეცნიერებათა აკადემიის გ. ჩუბინაშვილის სახელობის ქართული ხელოვნების ისტორიის ინსტიტუტი, უფროსი მეცნიერ-თანამშრომელი; 2004-2009წწ. - საქართველოს უნივერსიტეტი, ასოცირებული პროფესორი; 2006 წლიდან - ილიას სახელმწიფო უნივერსიტეტის ასოცირებული პროფესორი. რამდენიმე მონოგრაფიისა და 50-მდე სამეცნიერო სტატიის ავტორი; მიღებული აქვს მრავალი საერთაშორისო გრანტი და კვლევითი სტიპენდია; წლების განმავლობაში კვლევით მუშაობას ეწეოდა ევროპისა და აშშ-ს სამეცნიერო ცენტრებში (Dumbarton Oaks, Centre d’Histoire et Civilisation de Byzance, და სხვ.); უცხოეთში წაკითხული აქვს, როგორც ცალკეული ლექციები, ისე სალექციო კურსი "შუა საუკუნეების ხელოვნება საქართველოში“ (ფრიბურგის უნივერსიტეტი); არის სამეცნიერო ჟურნალების სარედაქციო საბჭოების წევრი. სამეცნიერო კვლევის სფერო - შუა საუკუნეების ქართული და ბიზანტიური ხელოვნება: ხატები, იკონოგრაფია, ბიზანტიურ-ქართული მხატვრული ურთიერთობები. ხელოვნებათმცოდნეობის მეცნიერებათა დოქტორი (2004), პროფესორი.

საკანდიდატო დისერტაციის თემა - "სეტის კარედი, ქართული ხატწერის ისტორიიდან", დაიცვა 1990 წელს; სადოქტორო დისერტაციის თემა - "XI-XIII სს. ქართული ხატწერა: მხატვრულ–ისტორიული ასპექტები", დაიცვა 2004 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.587; ილიას სახელმწიფო უნივერსიტეტი: faculty.iliauni.edu.ge; გიორგი ჩუბინაშვილის ცენტრი: gch-centre.ge

• პონტოელი ბერძნების კულტურული მემკვიდრეობა საქართველოში : წიგნი-ალბომი (თანაავტორი). - თბილისი, შპს "სეზანი", 2018. - 160გვ. . - ISBN: 9789941808562
• პოლიტიკური თეოლოგია: მოდერნულობამდე და მოდერნულობის შემდეგ = Political theology: before and after modernity : კრებული (თანაავტორი). - თბილისი, ილიას სახელმწ. უნ-ტი, 2012. - 256გვ.. - ISBN: 9789941180965
• შუა საუკუნეების ქართული ხატწერა = Medieval georgian icon-painting: XI-XIV საუკუნეების ფერწერული ხატები სვანეთიდან (ავტორი). - თბილისი, შპს "სეზანი", 2011. - 124გვ. . - ISBN: 9789941033667
• ქართული ქრისტიანული ხელოვნება = Georgian christian art : ალბომი (თანაავტორი). - თბილისი, 2010. - 279გვ. . - ISBN: 9789941021763
• ადრეული შუა საუკუნეების ქართული ქვაჯვარები = Early medieval georgian stone crosses (რედაქტორი). - თბილისი, შპს "სეზანი", 2008. - 136გვ. . - ISBN: 9789941021091