ლევან გოგიჩაიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1977 წელს.

1978-1988წწ. მუშაობდა სამშენებლო ტრესტ "საქკურორტმშენის"-ა და პროფკავშირების კურორტების მართვის საქართველოს რესპუბლიკური საბჭოს სისტემაში - მშენებელი ოსტატის, უფორსი სამუშაოთა მწარმოებლის, მთავარი ინჟინრის, სამმართველოს უფროსისა და დირექტორის მოადგილის თანამდებობაზე; 1988-1991წწ. საქართველოს პოლიტექნიკურ ინსტიტუტთან არსებულ ექსპერიმენტულ სასწავლო-საპროექტო სამშენებლო სამმართველოში მთავარ ინჟინრად; 1991-1993წწ. საქართველოს ნაციონალურ-სამრეწველო ასოციაცია "ქართული სახლი"-ს კომერციულ დირექტორად; 1993-1996წწ. სამეცნიერო-საწარმოო ასოციაცია "ოდაინტერნეიშენალის" ვიცე-პრეზიდენტად; 1996-1997წწ. საქართველოს ურბანიზაციისა და მშენებლობის მინისტრის მოადგილედ მუშაობდა; 2003-2005წწ. საპროექტო-სამშენებლო  კომპანიების "ინტერსერვისისა " და "ბურჯ"-ის გენერალური დირექტორად; 2005-2009წწ. შპს "ჯეოგილი"-ს და შპს "უნისტჯორჯიას" გენერალურ დირექტორად; 2009-2015წწ. შპს "ინტერნეიშენალ კონსტრაქშენის" გენერალური დირექტორად; 2016 წლიდან შპს "უინსტჯორჯიას" კონსულტანტად მუშაობს; მისი უშუალო მონაწილეობითა და ხელმძღვანელობით აშენდა მთელი რიგი მნიშვნელოვანი ობიექტები, მათ შორის: "მძეოსნობის მანეჟი", სპორტული კომპლექსი "ქარიშხალა" და სავაჭრო-გასართობი კომპლექსი "თბილისი მოლი" ქ. თბილისში; აქტიურად იყო ჩართული მიწისძვრით დაზარალებული საქართველოს რეგიონების, შენობა-ნაგებობების აღდგენითი სამუშაოების შესრულების ღონისძიებებში; მისი ხელმძღვანელობით დამუშავებულ იქნა ახალი ევროპული სტანდარტების შესატყვისი საკანონმდებლო ბაზა და მთელი რიგი კანონქვემდებარე ნორმატიული აქტები სამშენებლო სფეროსთვის; სტუდენტობის პერიოდში მონაწილეობდა საქართველოს პოლიტექნიკური ინსტიტუტის თვითშემოქმედებით მუსიკალურ ანსამბლში; მრავალწლიანი წარმატებული საქმიანობისა და დამსახურებისათვის მიღებული აქვს სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 98-99

• საქართველოს საინჟინრო აკადემია, აკადემიკოსი