გიორგი ერისთავი

გიორგი რევზის ძე ერისთავი (ქართლიდან) 1821-1825 წლებში სწავლობდა თბილისის კეთილშობილთა სასწავლებელში, შემდეგ დედამ პეტერბურგში წაიყვანა, სადაც ჯერ გოდენიუსის პანსიონში შეიყვანეს, მერე ლორენცს მიაბარეს, ბოლოს კი გვარდიის იუნკერთა სასწავლებელში მიაბარეს; იცოდა გერმანული და ფრანგული ენები. საქართველოში დაბრუნდა 1832 წლის ივლისში, იყო შეთქმულების მეთაური. თავის ბიძაშვილთან, ელიზბარ ერისთავთან ერთად შეადგინა საქართველოს მმართველობის გეგმა. შეთქმულების გაცემის შემდეგ არხანგელსკში გადაასახლეს. ეროვნული მოღვაწე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.65