ოთარ დათუაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1979 წელს.

1979-1981წწ. მუშაობდა თბილისის ზონალურ სამეცნიერო-კვლევით და ექსპერიმენტული პროექტირების ინსტიტუტში ("თბილზნიეპი") - ინჟინრად; 1981-1985წწ. მუშაობდა ქ. მოსკოვში, ბინათმშენებლობის ცენტრალურ საპროექტო და სამეცნიერო - კვლევით ინსტიტუტში უფროს ინჟინრად; იყო ამავე ინსტიტუტის ასპირანტი; 1985-1986წწ. მუშაობდა სამშენებლო ტრესტ "ამიერკავკასტრანსმშენის" ცენტრალური სამშენებლო ლაბორატორიის გამგედ; 1986-1989წწ. ამავე ტრესტის სამშენებლო სამმართველოს უბნის უფროსად "მარაბდა-ახალქალაქის" რკინიგზის მშენებლობაზე; 1989-1992წწ. იყო სამშენებლო სააქციო საზოგადოება "ტრანსმშენის" სამრეწველო საწარმოთა კომბინატის მთავარი ინჟინერი; 1992-1996წწ. ამავე სააქციო საზოგადოების სამშენებლო სამმართველოს მთავარი ინჟინერი; 1996-1997წწ. მუშაობდა აშშ-ს სააგენტო "დემოკრატია და განვითარების ფონდის" კონსულტანტ-მენეჯერად მშენებლობის საკითხებში; 1997-2002წწ. საქართველოს სოციალური ინვესტიციების ფონდში, სამშენებლო სამუშაოების ტექნიკურ ზედამხედველად; 2002-2006წწ. მუშაობდა "ქართუ ჯგუფის" სარევიზიო სამსახურის ტექნიკურ ზედამხედველად; 2006-2007წწ. დეველოპერულ კომპანია "აქსისში", მშენებლობის ტექნიკურ მენეჯერად "აქსის პალასისა" და "აქსის თაუერის" მშენებლობაზე; 2007-2012წწ. იყო სამშენებლო კომპანია "არ-დი-აი"-ს მთავარი ტექნიკური მენეჯერი მშენებლობის განხრით; 2012 წლიდან მუშაობს სამშენებლო კომპანია "ანაგში"; იყო ტექნიკური განყოფილების წამყვანი ინჟინერი; არის სამშენებლო კომპანია "ანაგის" შრომის დაცვისა და უსაფრთხოების სამსახურის ოფიცერი; მონაწილეობდა და ხელმძღვანელობდა ისეთი მნიშვნელოვანი ობიექტების მშენებლობა - რეკონსტრუქციას, როგორიცაა: ქ. თბილისის რკინიგზის ვაგზალი, თბილისის ელმავალმშენებელი და ვაგონმშენებელი ქარხნები, სოხუმის დანგრეული ვაგზლის აღდგენა, ქ. გორკის (ახლანდელი ნიჟნი ნოვგოროდის - რუსეთი) სახლმშენებელი კომბინატი და ქ. მურომის (რუსეთი) შპალების ქარხანა, "მარაბდა-ახალქალაქის" რკინიგზის "ბედენი-წალკის" უბნის მშენებლობა, "ძირულა-შორაპანის" რკინიგზის მეორე ხაზის მშენებლობა, კოპიტნარის სამხედრო აეროდრომის ინფრასტრუქტურა, სავაჭრო ცენტრი "ისტ პოინტი თბილისი", 22-სართულიანი საცხოვრებელი ატენის ქუჩაზე ქ. თბილისში, ლისის ტბის მიმდებარედ არსებული მრავალფუნქციური კომპლექსი და სხვა; მრავალწლიანი სრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები. დაიცვა საკანდიდატო დისერტაცია რკინაბეტონის საკავშირო სამეცნიერო-კვლავით ინსტიტუტში და მიენიჭა ტექნიკურ მეცნიერებათა კანდიდატის ხარისხი 1988 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 108-109