ზურაბ დანელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, ჰიდროტექნიკურ ნაგებობათა მშენებლობის სპეციალობით და მიენიჭა ინჟინერ-მშენებლი კვალიფიკაცია 1959 წელს.

1959-1962წწ. მუშაობდა საქართველოს ჰიდროტექნიკისა და მელიორაციის სამეცნიერო-კვლევით ინსტიტუტში უმცროს მეცნიერ თანამშრომლად; 1962-1965წწ. იყო საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევითი ინსტიტუტის ასპირანტი; 1965-1969წწ. იყო საქართველოს ჰიდროტექნიკისა და მელიორაციის სამეცნიერო კვლევითი ინსტიტუტის მეცნიერ თანამშრომელი; 1969-1993წწ. მუშაობდა საქართველოს პოლიტექნიკურ ინსტიტუტში ჰიდრავლიკისა და ჰიდრომექანიკის კატედრის დოცენტად, ამავე კათედრის გამგედ; 1994-1997წწ. იყო საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტის დეკანი, ფაკულტეტის სამეცნიერო საბჭოს თავმჯდომარე; 1997 წელს არჩეულ იქნა პროფესორის თანამდებობაზე; 2006-2017წწ. საქართველოს ტექნიკური უნივერსიტეტის ჰიდრავლიკისა და საინჟინრო ჰიდროეკოლოგიის მიმართულების ხელმძღვანელია; 2017 წლიდან მიენიჭა პროფესორ ემერიტუსის წოდება; ფართოა მისი მოღვაწეობის სფერო; გარდა სამეცნიერო-პედაგოგიური საქმიანობისა, 1969 წლიდან იყო ჰიდრავლიკურ გამოკვლევათა საერთაშორისო ასოციაციის საკავშირო კომიტეტის "წყალმიმღებ ნაგებობათა ჰიდრავლიკის" სექციის წევრი; 1996 წლიდან ამავე ასოციაციის საქართველოს ეროვნული კომიტეტის წევრი; გამოქვეყნებული აქვს 112 სამეცნიერო ნაშრომი საქართველოს და 6 საერთაშორისო აღიარების მქონე რეცენზირებად ჟურნალებში; აქვს 12 საავტორო მოწმობა და პატენტი; 15 საწარმოო დანერგვა; 11 სხვადასხვა დანერგვა; მონაწილეობდა TACIS-TEMPUS-ის პროექტით გათვალისწინებულ საგანმანათლებლო პროგრამის შემუშავებაში; მისი ხელმძრვანელობით დაცულია 8 საკანდიდატო და 3 სადოქტორო დისერტაცია; არის საქართველოს საექსპერტო დეპარტამენტის ექსპერტი; ორი საერთაშორისო სამეცნიერო შრომათა კრებულის რედკოლეგიის წევრი. დაჯილდოებულია საუწყებო ჯილდოებით და საპატიო სიგელებით. ტექნიკურ მეცნიერებათა კანდიდატი (1965).

საკანდიდატო დისერტაციის თემა - "კომბინირებული წყალმიმღები, მთის მდინარეებისათვის", დაივა 1965 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 110-111

• საქართველოს ენერგეტიკის ეროვნული აკადემია, წევრი (1994-)
• წყლის ეკოლოგიის საერთაშორისო ასოციაცია, წევრი (1988-)

• ღირსების ორდენი
  მრავალწლიანი წარმატებული სამეცნიერო-პედაგოგიური მოღვაწეობისა და დამსახურებისათვის