მარინე დუღაშვილი

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის არქიტექტურის ინსტიტუტი და მიენიჭა არქიტექტორის კვალიფიკაცია; დაამთავრა ამავე უნივერსიტეტის მაგისტრატურა ურბანისტიკის სპეციალობით და მიენიჭა არქიტექტურის მაგისტრის ხარისხი 2002 წელს.

2000-2005წწ. მუშაობდა შპს "პროექტი 2000"-ში არქიტექტორად, შემდეგ დირექტორად; 2005-2006წწ. იყო შპს "M&G"-ის დამფუძნებელი და დირექტორი; 2006-2014წწ. მუშაობდა ქ. რუსთავის მუნიციპალიტეტში: ჯერ შპს "დიზაინ ცენტრის" დირექტორის მოადგილედ, შემდეგ ქ. რუსთავის მერიის ურბანული დაგეგმარებისა და ტრანსპორტის განვითარების სამსახურის უფროსის მოადგილედ; ასევე იყო ქონების მართვის, ურბანული დაგეგმარებისა და ეკონომიური სამსახურის უფროსის მოადგილე; 2010 წელს მიენიჭა დოცენტის სამეცნიერო-პედაგოგიური წოდება; 2014 წლიდან კვლავ შპს "M&G"-ში მუშაობდა არქიტექტორად; 2017 წლიდან შპს "ოპტიმალ გრუპი"-ს ტექნიკური მენეჯერია და შეთავსებით მუშაობს ქართულ-ამერიკული უნივერსიტეტის მიწვეულ ლექტორად; 2019 წლიდან არის საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტის დოქტორანტი; მის მიერ განხორციელებული პროექტებია - საზოგადოებრივ-საყოფაცხოვრებო დანიშნულების ობიექტები და საცხოვრებელი სახლები ქ. რუსთავში, ასევე ანალოგიური ობიექტები დაპროექტებული აქვს ქ. თბილისში, ასპინძაში, ბაკურიანში, გარდაბანში და სხვა ქალაქებში; ჩატარებული აქვს მრავალი მნიშვნელოვანი ობიექტის ექსპერტიზა, რომელთა მშენებლობაც განხორციელდა საქართველოს სხვადასხვა რეგიონში.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 116