ვალერიან ეპიტაშვილი

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორიის ფორტეპიანოს კლასი და თბილისის ინდუსტრიული ტექნიკუმი.

1931 წლიდან მუშაობდა თბილისის ნაგებობათა და ჰიდროენერგეტიკის სამეცნიერო-კვლევით ინსტიტუტში, დიდი მუშაობა გაწია თეძამის ტუფისა და სპინგნოლიტის შესწავლა-გამოყენებისათვის, რისთვისაც საქართველოს სსრ სახკომსაბჭომ დააჯილდოვა, ხოლო სსრკ მძიმე მრეწველობის საკვალიფიკაციო კომისიამ 1938 წელს, უფროსი მეცნიერ-მუშაკის წოდება მიანიჭა; ამავე დროს ვალერიან ეპიტაშვილი მუშაობდა თბილისის ინდუსტრიულ ინსტიტუტსა და საქართველოს სამხედრო აკადემიაში დოცენტად. 1941 წელს სამხედრო სამსახურში გაიწვიეს ფრუნზეს სახელობის უმაღლეს სამხედრო-საინჟინრო აკადემიაში, რომლის დამთავრებისთანავე გაიგზავნა ფრონტზე. ვალერიან ეპიტაშვილის ნაშრომები გამოქვეყნებულია სამეცნიერო-პერიოდულ გამოცემებში.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.54

• სამამულო ომის I ხარისხის ორდენი (სიკვდილის შემდეგ)