ბორის ესაკია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ხიდებისა და გვირაბების მშენებლობის სპეციალობით და მიენიჭა ინჟინერ-მშენებლის კვალიფიკაცია 1961 წელს.

1962 წელს მუშაობა დაიწყო საქართველოს მშენებლობის სამინისტროს სამშენებლო-სარემონტო გაერთიანება "თბილქალაქმშენის" №1 სამშენებლო სამმართველოში მშენებელ ოსტატად, შემდეგ სამუშაოთა მწარმოებლად, უფროს სამუშაოთა მწარმოებლად; 1969-1971წწ. მუშაობდა საქართველოს მშენებლობის სამინისტროს ტრესტ "მშენკომპლექტის" ლითონების განყოფიოლების უფროსად; 1972 წელს გადაყვანილ იქნა საქართველოს მშენებლობის სამინისტროს №2 სამშენებლო ტრესტის საწარმოო-ტექნოლოგიური კომპლექტაციის სამმართველოს უფროსად; 1973-1981წწ. მუშაობდა სამშენებლო-სამონტაჟო გაერთიანება "თბილქალაქმშენის" სამშენებლო ტრესტ "მაღლივმშენის" სამშენებლო სამმართველოს ჯერ მთავარ ინჟინრად, შემდეგ სამმართველოს უფროსად; 1981-1999წწ. მუშაობდა საქართველოს ტელე-რადიო მაუწყებლობის სახელმწიფო კომიტეტის კაპიტალური მშენებლობის განყოფილების უფროსად, ხოლო მისი რეორგანიზაციის შემდეგ იყო კაპირალური მშენებლობის სამმართველოს უფროსი; 1999-2004წწ. მუშაობდა საქართველოს ტელე-რადიო მაუწყებლობის სახელმწიფო კომიტეტის ტელე-რადიო ცენტრის კომერციული დეპარტამენტის დირექტორის მოადგილედ, მშენებლობის დარგში; მისი ხელმძღვანელობით განხორციელდა, როგორც აფხაზეთისა და აჭარის ავტონომიური რესპუბლიკების, აგრეთვე საქართველოს რეგიონების ტელე-რადიო მაუწყებლობის ახალი ობიექტების მშენებლობა, ასევე არსებული რეკონსტრუქცია და კაპიტალური რემონტი, ცხინვალის ტელე-რადიო სახლის მშენებლობა; მრავალწლიანი პროფესიული შრომითი მოღვაწეობისა და დამსახურებისათვის მიღებული აქვს სახელმწიფო და საუწყებო ჯილდოები, ასევე საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 118-119