თამაზ ზანდარაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი, არქიტექტურის სპეციალობით 1979 წელს.

1974-1992წწ. მუშაობდა სახელმწიფო საპროექტო ინსტიტუტ "თბილქალაქპროექტში", IV არქიტექტურული სახელოსნოს არქიტექტორად, უფროს არქიტექტორად, ჯგუფის ხელმძღვანელად; 1992-2007წწ. იყო სსი "თბილქალაქპროექტის" II სტუდიის არქიტექტორი,; 2007-2011წწ. ამავე ორგანიზაციის II სტუდიის პროექტის მთავარი არქიტექტორი; 2008 წელს მუშაობდა შპს "ტრიადაში" პროექტის მთავარ არქიტექტორად; 2011 წლიდან არის შპს "თბილქალაქპროექტის" პროექტის მთავარი არქიტექტორი; მისი უშუალო მონაწილეობითა და ხელმძღვანელობით განხორციელებულ იქნა რიგი მნიშვნელოვანი ობიექტების პროექტირების დამუშავება, მათ შორის: ქ. თბილისის ძველი უბნების რეკონსტრუქცია-რესტავრაცია ბარათაშვილის, კიბალჩიჩის, შავთელისა და ჩახრუხაძის ქუჩების და სხვა; კარდიოლოგიის ინსტიტუტის შენობის რეკონსტრუქცია, სულხან-საბას სახელობის სასწავლო უნივერსიტეტის შენობა ქ. თბილისში, სამონასტრო კომპლექსი ქ. ახალციხეში, პოლიკლინიკის რეკონსტრუქცია ქ. ბათუმში, ახალქალაქის სარკინიგზო სადგურის ინფრასტრუქტურის ობიექტები, სადგურ "თბილისი-საკვანძოს" საკონტეინერო ტერმინალი და სხვა; ავტორია მრავალბინიანი საცხოვრებელი სახლების ინგოროყვას ქუჩაზე, ხმელნიცკის ქუჩაზე, დიდ დიღომში და სანზონის მ/რაიონში; ასევე ინდივიდუალური საცხოვრებელი სახლების ქ. თბილისში, სოფ. საგურამოში და კოტორაანთ კარში; მრავალწლიანი წარმატებული შემოქმედებითი და შრომითი საქმიანობისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 125