ემურ თავართქილაძე

დაბაადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამოქალაქო და სამრეწველო მშენებლობის სპეციალობით 1963 წელს.

1963 წელს მუშაობა დაიწყო საქართველოს კომუნალური მეურნეობის სამინისტროს საპროექტო ბიუროში ინჟინერ კონსტრუქტორად; 1964 წლიდან საქართველოს საყოფაცხოვრებო მომსახურეობის სამინისტროს საპროექტო ორგანიზაციაში უფროს ინჟინრად და პროექტის მთავარ ინჟინრად; 1972 წლიდან თბილისის საქალაქო საბჭოს აღმასკომის ქალაქის კეთილმოწყობის საპროექტო სამმართველოში დირექტორის მოადგილედ; 1983 წელს დაინიშნა საქართველოს განათლების სამინისტროს საპროექტო ორგანიზაციის დირექტორად; 1996-2012წწ. მუშაობდა საწარმოო გაერთიანება "საქრუსენერგოს" გენერალური დირექტორის მოადგილედ მშენებლობის დარგში; თავისი შრომითი საქმიანობის მანძილზე აქტიურად მონაწილეობდა საქართველოს კომუნალური და საყოფაცხოვრებო ობიექტების დაპროექტებაში, ქ. თბილისის კეთილმოწყობასა და მხატვრული იერსახის გაუმჯობესებაში; არის ავტორი და თანაავტორი საქართველოს რეგიონებში საბავშვო ბაღების, სკოლებისა და პროფგანათლების ობიექტების პროექტირებაში; შრომითი საქმიანობის ბოლო წლებში ხელმძღვანელობდა რუსეთ-საქართველოს დამაკავშირებელი 500, 110 და 200 კილოვოლტიანი ელექტროგადამცემი ხაზების მშენებლობასა და ექსპლუატაციას.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 126