კახა თოდრაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1978 წელს.

1971-1973წწ. მუშაობდა საპროექტო ინსტიტუტ "თბილქალაქპროექტში", ტოპო-გეოდეზიური განყოფილების ტოპოგრაფის თანაშემწედ; 1978-1982წწ. იყო საპროექტო ინსტიტუტ "საქსახკვებმრეწვის" სახარჯთაღრიცხვო განყოფილების უფროსი სპეციალისტი; 1982-1991წწ. მუშაობდა საპროექტო ინსტიტუტ "საქენერგოპროექტში" სამშენებლო განყოფილების მთავარ სპეციალისტად; 1991-1993წწ. იყო საქართველოს ენერგეტიკის სამინისტროს კაპიტალური მშენებლობისა და კომპლექტაციის სამმართველოს მთავარი სპეციალისტი; 1993-1993წწ. მუშაობდა შპს "საქსოფლელექტრომშენის" მთავარ ტექნოლოგად; 1995-1998წწ. იყო შპს "ქაჩი"-ს დირექტორი; 1998-2002წწ. მუშაობდა სააქციო საზოგადოება "ელექტროგადაცემის" კაპიტალური მშენებლობისა და აღდგენა-რეკონსტრუქციის სამმართველოს პროექტირების სექტორის მთავარ სპეციალისტად; 2002-2004წწ. იყო შპს "საქართველოს სახელმწიფო ელექტროსისტემის" ანალოგიური სექტორის ინჟინერ-ეკონომისტი; 2004-2006წწ. მუშაობდა სააქციო საზოგადოება სამშენებლო კომპანია "თბილისი"-ს საწარმოო-ტექნიკური განყოფილების წამყვან ინჟინრად; 2006-2008წწ. იყო შპს სამშენებლო კომპანია "ჯეო-გილი"-ს ანალოგიური განყოფილების უფროსი; 2008-2017წწ. მუშაობდა სააქციო საზოგადოება "ენერგო-პრო ჯორგია"-ს განვითარების დეპარტამენტის სექტორის უფროს სპეციალისტად; 2017 წლიდან არის შპს "ოპტიმალ გრუპ+"-ის ტექნიკური მენეჯერი; მრავალწლიანი შრომითი საქმიანობის პერიოდში დიდი წვლილი აქვს შეტანილი საქართველოს ენერგოსისტემის აღდგენისა და განვითარების საქმეში; შრომითი დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 128-129