გიორგი თუმანიშვილი

დაბადების ადგილი: ქ. ქუთაისი.

დაამთავრა პეტერბურგის მიმოსვლის გზათა ინსტიტუტი 1896 წელს.

1896-1899წწ. მუშაობდა "თბილისი-ერევნის" რკინიგზის ხაზის მშენებლობაზე; 1899-1902წწ. იყო ამ ხაზის საექსპლუატაციო უბნის უფროსი; 1906-1918წწ. ამიერკავკასიის რკინიგზის სამმართველოს ინჟინერი; 1912-1915წწ. კახეთის რკინიგზის მშენებლობის მთავარი ინჟინრის მოადგილე; 1915-1918წწ. ამ გზის მმართველი; 1918-1919წწ. იყო საქართველოს გზატკეცილების სამმართველოს უფროსი; 1919-1925წწ. კახეთის რკინიგზის დირექტორი და ამიერკავკასიის რკინიგზის სამმართველოს კონსულტანტი; 1922-1923წწ. იყო "ნატანები-ოზურგეთის" რკინიგზის ხაზის მშენებლობის მთავარი ინჟინერი; 1925 წელს "სენაკი-გაგრის" რკინიგზის ხაზის მშენებლობის მთავარი ინჟინერი და სხვა.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 130-131