კობა იასამნიძე

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1973 წელს.

1966-1968წწ. მუშაობდა საქართველოს მშენებლობის სამინისტროს №3 სამშენებლო ტრესტში მუშად; 1973 წელს ქ. თბილისის ქარხანა "მაგნიტიფონი"-ს სამშენებლო სამმართველოში, მშენებელ ოსტატად, უფროს სამუშაოთა მწარმოებლად; 1975 წელს იყო საქართველოს მშენებლობის სამინისტროს ოპერატიული სამმართველოს უფროსი ინჟინერი; 1976-1982წწ. საქართველოს მშენებლობის სამინისტროს საწარმოო სამმართველოში წამყვან ინჟინრად, განყოფილების უფროსად; 1982-1993წწ. საწარმოო გაერთიანება "სამთო ქიმიის" კაპიტალური მშენებლობის განყოფილების წამყვან ინჟინრად; იყო რაჭის სამთო ქიმიური ქარხნის დირექტორის მოადგილე მშენებლობის დარგში; გაერთიანება "სამთო ქიმიის" კაპიტალური მშენებლობის სამმართველოს მთავარი ინჟინერი; 1994-1998წწ. შიდა ქართლის მხარეში, პრეზიდენტის სახელმწიფო რწმუნებულის მრჩეველი მშენებლობის, არქიტექტურისა და კომუნალური მეურნეობის საკითხებში, დეპარტამენტის თავმჯდომარე; 1998-2004წწ. საქართველოს ურბანიზაციისა და მშენებლობის სამინისტროს, შიდა ქართლის მხარის ურბანიზაციისა და მშენებლობის დეპარტამენტის თავმჯდომარედ; 2005 წლიდან არის ს.ს. "სამშენებლო ტრესტი №3"-ის ტექნიკური დირექტორი, სამეთვალყურეო საბჭოს წევრი; 2016 წლიდან არის ა(ა)იპ "დამოუკიდებელ საზოგადოებრივ ექსპერტთა კავშირი"-ს ექსპერტი მშენებლობის საკითხში; მრავალწლიანი შრომითი საქმიანობის პერიოდში დიდი წვლილი აქვს შეტანილი ქვეყნის მასშტაბით განახლებული მრავალი სამრეწველო, სამოქალაქო და ინფრასტრუქტურული, ასევე თავდაცვითი დანიშნულების ობიექტების პროექტირებასა და მშენებლობაში; აქტიურად იყო ჩართული, რაჭის რეგიონში 1991 წლის მიწისძვრის შედეგად დაზარალებული საცხოვრებელი სახლებისა და ობიექტების აღდგენითი სამუშაოების შესრულების ღონისძიებებში; ასევე ცხინვალისა და გორის რაიონებში კონფლიქტის შედეგად დანგრეული ინფრასტრუქტურული, სამრეწველო ობიექტებისა და საცხოვრებელი სახლების აღდგენითი სამუშაოების შესრულებაში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 132