თამაზ იმნაძე

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, წყალმომარაგებისა და კანალიზაციის სპეციალობით 1963 წელს.

1963 წელს შრომითი საქმიანობა დაიწყო თბილისის საქალაქო საბჭოს აღმასკომის დაქვემდებარებაში არსებულ საწარმოო გაერთიანება "თბილწყალკანალში" ინჟინრად; 1966-1980წწ. მუშაობდა საქართველოს ენერგეტიკისა და ელექტროფიკაციის მთავარი სამმართველოს "საქმთავარენერგოს" ელექტროგადამცემი ხაზებისა და ქვესადგურების მშენებლობის დირექციაში უფროს ინჟინრად; ხელმძღვანელობდა ქ. მარნეულში 6 კვტ-ანი მაღალი ძაბვის ელექტროგადამცემი ხაზის რკინაბეტონის ანძების ქარხნისა და ქ. თბილისში ნ. ბარათაშვილის ქუჩაზე "საქმთავარენერგოს" ახალი კორპუსის პროექტირებასა და მშენებლობას; 1980-2002წწ. მუშაობდა საქართველოს სახელმწიფოს ელექტროსისტემის მაღალი ძაბვის ქსელების სამმართველოში დირექტორის მოადგილედ მშენებლობის დარგში; 2002 წლიდან იყო საქართველოს სახელმწიფო ელექტროსისტემის ქ. თბილისის ელექტროქსელების დირექტორის მოადგილე მშენებლობის დარგში; უშუალოდ მონაწილეობდა და ხელმძღვანელობდა 220 და 500 კილოვოლტიანი მაღალი ძაბვის ხაზებისა და ქვესადგურების მშენებლობას; დიდი წვლილი აქვს შეტანილი ქ. თბილისის ელექტრომომარაგების ქსელების განვითარებისა და ინფრასტრუქტურული ობიექტების მშენებლობისა და ექსპლუატაციის საქმეში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 133