გია კახიანი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი და მიენიჭა სამთო ინჟინერ-მშენებლის კვალიფიკაცია 1978 წელს.

1979-1998წწ. მუშაობდა აჭარის ავტონომიური რესპუბლიკის მინისტრთა საბჭოს კაპიტალური მშენებლობის სამმართველოში ტექნიკური განყოფილების უფროს ინჟინრად, განყოფილების ინჟინრად, განყოფილების უფროსად, სამმართველოს მთავარ ინჟინრად და სამმართველოს უფროსად; 1991-1996წწ. მუშაობდა აჭარის ავტონომიური რესპუბლიკის მშენებლობის მინისტრის მოადგილედ; 1996 წლიდან სააქციო საზოგადოება "აჭარკაპმშენი"-ს დირექცია; დიდი წვლილი აქვს შეტანილი აჭარის ავტონომიური რესპუბლიკის ეკონომიკის სხვადასხვა დარგების განვითარებისათვის სათანადო მატერიალურ-ტექნიკური ბაზის შექმნის საქმეში; მისი მონაწილეობითა და ხელმძღვანელობით XX საუკუნის ბოლო პერიოდში, აჭარის ავტონომიური რესპუბლიკის ტერიტორიაზე აშენდა მრავალი სამრეწველო, საბინაო, კულტურულ-საგანმანათლებლო, კომუნალური და საყოფაცხოვრებო დანიშნულების მნიშვნელოვანი ობიექტები, რომელთაც შექმნეს წინაპირობა აჭარის ავტონომიური რესპუბლიკის ეკონომიკის შემდგომი განვითარებისათვის; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 145