დავით კეჩხუაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურული ფაკულტეტი, არქიტექტურის სპეციალობით 1976 წელს.

1976-1978წწ. მუშაობდა ქ. ტოლიატის ავტოქარხანა "ვაზ"-ში საპროექტო სამმართველოს არქიტექტორად; 1979 წელს დაბრუნდა საქართველოში და მუშაობა დაიწყო საკავშირო საპროექტო ინსტიტუტ "გიპროტორგი"-ს თბილისის ფილიალში არქიტექტორად; 1981-1983წწ. ასპინძის რაისაბჭოს აღმასკომის მთავარ არქიტექტორად; 1983-1985წწ. კვლავ დაიწყო მუშაობა საპროექტო ინსტიტუტ "გიპროტორგი"-ს თბილისის ფილიალში - პროექტის მთავარ არქიტექტორად; 1985-1987წწ. საპროექტო ორგანიზაცია "ინტურისტპროექტში" პროექტის მთავარ არქიტექტორად; 1987 წელს დააფუძნა სამშენებლო-საპროექტო კომპანია "ოქტაედრი", შემდეგ კორპორაცია "აპექსი", სადაც იმუშავა 1991 წლამდე; 1991 წელს სამუშაოდ გადავიდა მოსკოვში, სადაც ეწეოდა სხვადასხვა სახის ბიზნეს საქმიანობას; 1994-1996წწ. იყო საქართველოს სავაჭრო წარმომადგენლის მთავარი მრჩეველი რუსეთის ფედერაციაში; 1996 წელს დაბრუნდა საქართველოში და 1999 წლამდე მუშაობდა "ჯორჯიანინვესტ ბანკი"-ს პრეზიდენტის ფინანსურ მრჩევლად; 2005 წლამდე მუშაობდა სახელმწიფო საპროექტო ინსტიტუტ "თბილქალაქპროექტი"-ს დირექტორის მოადგილედ; ეწევა კერძო სამეწარმეო საქმიანობას პროექტირებისა და მშენებლობის სფეროში; დამუშავებული აქვს არაერთი მნიშვნელოვანი და მაღალი კლასის სხვადასხვა დანიშნულების ობიექტის პროექტში; მის შემოქმედებას მიეძღვნა ვრცელი წერილი ჟურნალ "სტილი"-ს 2009 წლის 31 ნომერში; 2011 წლიდან არის არქიტექტორთა კავშირის ლიცენზირებული არქიტექტორი; 2011 წელს მიენიჭა გაეროს საერთაშორისო სამეფო აკადემიის აკადემიკოსისა და საპატიო დოქტორის წოდება.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 148

• საქართველოს არქიტექტორთა კავშირი, წევრი (2010-)