ნესტან რატიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი სპეციალობით კლასიკური ფილოლოგია 1990 წელს.

კვლევითი და სასწავლო პროექტების ფარგლებში იმყოფებოდა ოქსფორდის ვოლფსონ კოლეჯში, კემბრიჯის კინგს კოლეჯში, ჯეიმს მედისონ კოლეჯში, ბუდაპეშტის ცენტრალური ევროპის უნივერსიტეტში. 1994-2007წწ. იყო თბილისის სახელმწიფო უნივერსიტეტის კლასიკური ფილოლოგიის კათედრის დოცენტი, შემდგომ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის პროფესორი; 2007 წლიდან მუშაობს ილიას სახელმწიფო უნივერსიტეტში ამერიკულ-ქართული ინიციატივა ლიბერალური განათლებისთვის ფარგლებში; 2001-2006წწ. იყო შოთა რუსთაველის ინსტიტუტის რუსთველოლოგიის განყოფილების თანამშრომელი; 2007 წლიდან - ფოლკლორის განყოფილების უფროსი მეცნიერი; 2008 წლიდან თანამშრომლობს თბილისის ევროპული სკოლის საერთაშორისო ბაკალავრიატის პროგრამასთან, არის ცოდნის თეორიის კოორდინატორი; გაიარა ტრენინგები ბარსელონასა და დუბაიში; აქტიურად თანამშრომლობს AGILE-თან (ამერიკულ-ქართული ინიციატივა ლიბერალური განათლებისთვის), რომელიც ილიას სახელმწიფო უნივერსიტეტის მეცნიერების და ხელოვნების ფაკულტეტის ბაზაზე ახორციელებს თავისუფალი მეცნიერებების პროგრამას; კითხულობს ლექციებს და კონსულტაციებს უწევს NED-ის მიერ დაფინანსებულ პროექტებს "შენ დემოკრატიისთვის“ და "ახალგაზრდები დემოკრატიისთვის“, რომელიც საქართველოს მასშტაბით ატარებს დისკუსიებს სხვადასხვა მწვავე თემაზე. ორი მონოგრაფიის ავტორი, სხვადასხვა წიგნების თანაავტორი (მათ შორისაა სახელმძღვანელოები, სამეცნიერო კრებულები, თარგმანები და სხვ.). მონაწილეობდა შოთა რუსთაველის ეროვნული სამეცნიერო ფონდის მიერ დაფინანსებულ პროექტებში (ანტისაბჭოური სიტყვიერება, ქართული ხალხური ფოლკლორული პროზის 22 ტომის შედგენა, მხატვრულ სახეთა ტრანსფორმაციები); მუდმივად მონაწილეობს სხვადასხვა ადგილობრივ და საერთაშორისო კონფერენციებში (ჰარვარდი, ბრაუნი, ახალი ორლეანი, ნიუ იორკი, ლიდსი). ფილოლოგიის მეცნიერებათა დოქტორი (2001), პროფესორი.

საკანდიდატო დისერტაციის თემა - "დუმილის ფენომენი ძველ ბეძნულ ლიტერატურაში (ჰომეროსიდან ისიხაზმამდე)", დაიცვა 1994 წელს; სადოქტორო დისერტაციის თემა - "რიტუალის ასახვა ძველბერძნულ ლიტერატურაში (ჰომეროსიდან ევრიპიდემდე)", დაიცვა 2001 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.486; ქართულ-ამერიკული უნივერსიტეტი: gau.edu.ge

• ამერიკის ფოლკლორისტთა საზოგადოება (AFS) , წევრი
• ამერიკის შედარებითი ლიტერატურის ასოციაციის (ACLA), წევრი
• ცენტრალური ევროპის შემსწავლელი საზოგადოების (CESS), წევრი

• 1836-1927 წლების რუსულ პრესაში გამოქვეყნებული ქართული ფოლკლორული მასალის შესწავლა : კვლევები და ანოტირებული ბიბლიოგრაფია (თანაავტორი) // ნაწილი 2. - თბილისი, ა2, 2020. - 292გვ. . - ISBN: 9789941829017
• ჩემი ოდისეა (ავტორი). - თბილისი, აკადემიური წიგნი, 2020. - 210გვ.. - ISBN: 9789941969416
• მხატვრული აზროვნების ტრანსფორმაციის ფორმები ქართულ ფოლკლორში (თანაავტორი). - თბილისი, შპს "გამომცემლობა სამშობლო", 2016. - 448გვ. . - ISBN: 9789941086403
• ანტისაბჭოური სიტყვიერება : ზეპირი ისტორიები, გადმოცემები [1921-1991] (თანაავტორი). - თბილისი, ნეკერი, 2010. - 470გვ.
• ანტიკური ლიტერატურა : საუნივერსიტეტო კურსი (თანაავტორი). - თბილისი, ლოგოსი, 2009. - 483გვ.. - ISBN: 9789941401572
• დუმილის ფენომენი ბერძნულენოვან ლიტერატურაში : ჰომეროსიდან ისიხაზმამდე (ავტორი). - თბილისი, ლოგოსი, 2003. - 146გვ. . - ISBN: 9994076264
• რიტუალის ასახვა ძველბერძნულ ლიტერატურაში : ჰომეროსიდან ევრიპიდემდე (ავტორი). - თბილისი, ლოგოსი, 2001. - 247გვ. . - ISBN: 9992865776