ლევან კიკვიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1964 წელს.

1964-1965წწ. მუშაობდა საქართველოს მშენებლობის სამინისტროს ნორმატიულ-კვლევით სადგურში ინჟინრად, შემდეგ უფროს ინჟინრად; 1966-1986წწ. მუშაობდა საქართველოს მშენებლობის სამინისტროს ქ. ქუთაისის სახლმშენებელი კომბინატის ჯერ სამუშაოთა მწარმოებლად, შემდეგ საკონსტრუქციო ბიუროს უფროსად, ნულოვანი ციკლის (შენობა-ნაგებობების ფუძე-საძირკცლების მოწყობის) სამუშაოთა მწარმოებლად (უბნის უფროსად); 1977-1986წწ. კომბინატის მთავარ ინჟინრად; 1986-1992წწ. იყო "ინდბინათმშენებლობის" ტრესტის მთავარი ინჟინერი; 1992-1995წწ. სახელმწიფო საწარმო "მშენებლის" დირექტორი; 2001-2008წწ. სამუშაოდ გადავიდა ქ. მოსკოვში, სადაც მუშაობდა სამშენებლო კომპანია "ვიტმა 1"-ში ჯერ სამუშაოთა მწარმოებლად, შემდეგ კი მთავარი ინჟინრის მოადგილედ და მთავარ ინჟინრად; 2009 წლიდან მუშაობს ქ. თბილისში, სამშენებლო კომპანია "ბკ კონსტრაქშენში" სამუშაოთა მწარმოებლად; მისი უშუალო მონაწილეობითა და ხელმძღვანელობით აშენებულ იქნა მრავალი საცხოვრებელი, სამრეწველო და კულტურულ-საგანმანათლებლო დანიშნულების მნიშვნელოვანი იბიექტი, დასავლეთ საქართველოს რაიონებში, აფხაზეთისა და აჭარის ავტონომიური რესპუბლიკის ტერიტორიაზე, ასევე საცხოვრებელი კომპლექსები ქ. მოსკოვსა და ქ. თბილისში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები; არის საბჭოთა კავშირის სახალხო მეურნეობის მიღწევათა გამოფენის "ვერცხლის მედლის" მფლობელი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 154-155

• მედალი "შრომითი მამაცობისთვის"