ცეზარ ლოთიაშვილი

დაბადების ადგილი: ქ. ქუთაისი.

1960-1963 წლებში სწავლობდა საქართველოს პოლიტექნიკური ინსტიტუტის სამშენებლო ფაკულტეტზე, სამრეწველო და სამოქალაქო მშენებლობის სპეციალობით; სწავლა გააგრძელა მოსკოვის საინჟინრო გეოდეზიის, აეროფოტოგადაღებისა და კარტოგრაფიის ინსტიტუტში, რომელიც დაამთავრა 1967 წელს და მიენიჭა ინჟინერ-გეოდეზისტის კვალიფიკაცია; 1967-1970წწ. მუშაობდა სსრკ ნავთობის მრეწველობის სამინისტროს, საძიებო ექსპედიციის ინჟინერ-ტოპოგრაფად, უფროს ინჟინერ გეოდეზისტად, საძიებო პარტიის უფროსად; 1970-1976წწ. იყო სსრკ ნავთობის მრეწველობის სამინისტროს საძიებო ექსპედიციის უფროსი; 1976 წელს ბრუნდება საქართველოში და მუშაობას იწყებს საქართველოს მშენებლობის სამინისტროს №4 სამშენებლო ტრესტის სისტემაში უფროს სამუშაოთა მწარმოებლად (უბნის უფროსად); 1977-1983წწ. წყალტუბოს საქალაქო საბჭოს აღმასკომის დაქვემდებარებაში არსებული საპროექტო ბიუროს უფროსად; 1983-1985წწ. იყო სამშენებლო-სამონტაჟო რაზმ "ხიდმშენი-108"-ს მთავარი ინჟინერ-გეოდეზისტი; 1985-2001წწ. მუშაობდა შპს "კომუნპროექტი"-ს ინჟინერ-დამპროექტებლად; 2001-2004წწ. ქუთაისის "SOS ბავშვთა სოფელი"-ს მშენებლობის მთავარ ინჟინრად; 2005-2006წწ. იყო შპს "იმერეთმშენი"-ს ტექნიკური დირექტორი; 2006-2007წწ. შპს "ჰარმონია-92"-ის ტექნიკური დირექტორი; 2007-2009წწ. მუშაობდა შპს "ბიზნეს-კომფორტი"-ს მთავარ ინჟინრად; 2010 წელს შპს "RDI"-ს, "ზუგდიდი-მესტიის" საავტომობილო გზის მშენებლობის სამუშაოთა კოორდინატორად; 2010-2014წწ. მუშაობდა შპს "კომუნპროექტი"-ს ინჟინერ-დამპროექტებლად; მისი მონაწილეობითა და ხელმძღვანელობით ყაზახეთში საძიებო პარტიის უფროსად მუშაობის პერიოდში, აღმოჩენილ იქნა ნავთობის საბადოები: "დემირ-ბაბა", "ბუზაჩი", "ჩუკუროი" და მიწისქვეშა მტკნარი წყლის ტბა "ტიუ-სუ"; ასევე მისი უშუალო მონაწილეობით დაპროექტებულ და აშენებულ იქნა კომუნალური სფეროს, ჯანდაცვისა და თავდაცვის სამინისტროს, ასევე ინფრასტრუქტურული დანიშნულების არაერთი მნიშვნელოვანი ობიექტი; თანამშრომლობდა, როგორც მიწვეული ექსპერტი სხვადასხვა სამშენებლო და საპროექტო ორგანიზაციებთან; არის 20-მდე სტატიისა და მონოგრაფიის ავტორი; აკადემიკოს ვ. პ. ალექსეევ-შემიაკინთან ერთად გამოცემუი ჰქონდა სამი სახელმძღვანელო სამარქშეიდერო საქმესა და გეოდეზიაში (1971-1975); ახალგაზრდობის წლებში მისდევდა სპორტს; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 167-168

• სსრკ სპორტის ოსტატი (კლასიკურ ჭიოდაობა)