ირაკლი ლოლაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურული ფაკულტეტი არქიტექტურის სპეციალობით 1977 წელს.

1977-1978წწ. მუშაობდა თბილისის ზონალურ სამეცნიერო-კვლევით, ტიპური და ექსპერიმენტული პროექტების ინსტიტუტში არქიტექტორად; 1979 წლიდან სწავლობდა ქ. მოსკოვის ქალაქგეგმარების ცენტრალური ინსტიტუტის ასპირანტურაში, შემდეგ კი მუშაობდა ქ. მოსკოვის გენგეგმის ინსტიტუტში; 1987-1990წწ. იყო მ. გორბაჩოვის ფონდის საგამომცემლო ცენტრის მთავარი დიზაინერი; 1997-2005წწ. მუშაობდა თბილისის საქალაქო საბჭოს აღმასკომის არქიტექტურის დეპარტამენტის თავმჯდომარედ, მთავარი არქიტექტორის მოადგილედ, მთავარ არქიტექტორად; 2005-2015წწ. მუშაობდა არქიტექტურული ფირმის ხელმძღვანელად ქ. იალტაში; დაიცვა სადოქტორო დისერტაცია და მიენიჭა არქიტექტურის დოქტორის ხარისხი; არის 12 მსხვილი ქალაქის გენგეგმისა და ცენტრების დეტალური დაგეგმარების პროექტების ავტორი და თანაავტორი, 50-მდე არქიტექტურული პროექტის ავტორი; 75-მდე სამეცნიერო და პოპულარული სტატიის ავტორი; იყო 15 საერთაშორისო გამოფენის მთავარი დიზაინერი, მათ შორის: გერმანიაში, საფრანგეთში, აშშ-ში, ესპანეთში, იაპონიაში და არგენტინაში; მრავალწლიანი წარმატებული პროფესიული შრომითი საქმიანობისა და დამსახურებისათვის მიღებული აქვს სახელმწიფო და საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 169-170