გიორგი ლორთქიფანიძე

დაბადების ადგილი: ქ. ბორჯომი.

დაამთავრა დაუსწრებლად საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1965 წელს.

შრომითი საქმიანობა ადრეულ ასაკში დაიწყო; 1956-1960წწ. მუშაობდა კომბაინის მემანქანედ, საკონსერვო ქარხნის მშენებლობაზე მუშად; 1961-1965წწ. სწავლის პერიოდში მუშაობდა თბილისის თბოელექტროსადგურის მშენებლობაზე ბრიგადირად, ათისთავად, სამუშაოთა მწარმოებლად; 1965-1969წწ. საქართველოს მშენებლობის სამინისტროს სამშენებლო გაერთიანება "მთავართბილმშენის" №14 სამშენებლო-სამონტაჟო ტრესტის №2 სამშენებლო სამმართველოს უფროსად; 1970 წელს დაინიშნა საქართველოს მშენებლობის სამინისტროს №8 სამშენებლო ტრესტის მთავარ ინჟინრად; 1974 წელს ტრესტის მმართველად; 1975 წელს გადაყვანილ იქნა საქართველოს მშენებლობის სამინისტროს №12 სამშენებლო ტრესტის მმართველად; 1978 წელს იმავე სამინისტროს ქ. გორის სახლმშენებელი კომბინატის უფროსად; ასევე იყო საქართველოს მშენებლობის სამინისტროს №9 სამშენებლო ტრესტის მთავარ ინჟინრად; 1980 წელს დაწინაურებულ იქნა საქართველოს მშენებლობის სამინისტროს სამშენებლო გაერთიანება "მთავართბილმშენის" უფროსის მოადგილედ; 1994 წელს სამუშაოდ გადადის ქ. მოსკოვში, სადაც მუშაობდა სხვადასხვა ორგანიზაციების ხელმძღვანელად ბინათმშენებლობის სფეროში; 2006 წლიდან ეწეოდა სამწერლო შემოქმედებით მოღვაწეობას; მისი უშუალო მონაწილეობითა და ხელმძღვანელობით, საქართველოს მასშტაბით აშენდა არაერთი ენერგეტიკული, სამრეწველო, საზოგადოებრივი, კულტურულ-საგანმანათლებლო დანიშნულების ობიექტი და ათიათასობით კვ.მ. საცხოვრებელი სახლები თბილისში, გორში, ბორჯომში და ასევე ქ. მოსკოვში; გამოცემული აქვს რომანი "ჟამი ღირსების აღზევებისა", ოთხ ტომად ოჯახისა და პირადი ცხოვრების ისტორიიდან; მრავალწლიანი შრომითი საქმიანობისა და დამსახურებისათვის დაჯილდოებულია სახელმწიფო და საუწყებო ჯილდოებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 171-172; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.268

• საქართველოს მწერალთა კავშირი, წევრი (2016-)

• 2018 - ქართული კულტურის ამაგდარის წოდება
• 1999 - ღირსების მედალი
  ქართული მწერლობის განვითარებაში შეტანილი პირადი დიდი წვლილის, ნაყოფიერი შემოქმედებითი და საზოგადოებრივი მოღვაწეობისათვის
• შრომის ვეტერანის მედალი

• ჟამი ღირსების აღზევებისა : რომანი (ავტორი) // წ.4. - თბილისი, 2011. - 1144გვ.. - ISBN: 9789941029868
• ჟამი ღირსების აღზევებისა : რომანი (ავტორი) // წ.3. - თბილისი, 2008. - 923გვ.. - ISBN: 9789941009419
• ჟამი ღირსების აღზევებისა : რომანი (ავტორი) // წ.2. - თბილისი, 2007. - 773გვ.. - ISBN: 9789941001734
• ჟამი ღირსების აღზევებისა : რომანი (ავტორი) // წ.1. - თბილისი, 2007. - 805გვ.. - ISBN: 9789941001727