ნუგზარ მებურიშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1977 წელს.

1977-1985წწ. მუშაობდა საქართველოს მშენებლობის სამინისტროს №4 სამშენებლო ტრესტის №4 სამშენებლო სამმართველოში, ინჟინერ-დისპეტჩერად, უსაფრთხოების ინჟინრად, მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1986-1992წწ. იყო ამავე სამმართველოს მთავარი ინჟინერი; 1992-1994წწ. იყო სააქციონერო საზოგადოება "ქუთმშენი"-ს დაქვემდებარებაში არსებული "ქუთმშენ-4"-ის დირექტორის მოადგილე; 1994-1996წწ. მისი დირექტორი; 2003-2008წწ. მუშაობდა ქ. მოსკოვში სამშენებლო კომპანია ""მინსკაია-2"-ის სამშენებლო წარმოების უფროსად; 2009 წლიდან მუშაობს კომპანია "ბკ ქონსტრაქშენში" სამშენებლო წარმოების უფროსად; მისი უშუალო მონაწილეობითა და ხელმძღვანელობით დასავლეთ საქართველოს რაიონებში განხორციელებულია მრავალი საცხოვრებელი სახლის, კულტურულ-საგანმანათლებლო, საზოგადოებრივი და ინფრასტრუქტურული დანიშნულების მნიშვნელოვანი ობიექტების მშენებლობა. ასევე ქ. თბილისში: სს "საქართველოს ბანკის" ადმინისტრაციული შენობის რეკონსტრუქცია, "ივერიის ღვთისმშობლის ხატის სახელობის ტაძრის" მშენებლობა მახათას მთაზე, სავაჭრო კომპლექსი "სითი მოლი"-ს ვაჟა-ფშაველას გამზირზე და სხვა; საქართველოს მწერალთა კავშირისა და ხელოვანთა "ოქროს ფონდი"-ს მიერ ნაყოფიერი საზოგადოებრივი მოღვაწეობისა და ქართული კულტურის მხარდაჭერისათვის მინიჭებული აქვს "ქართული კულტურის ამაგდარი"-ს საპატიო წოდება.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 188-189

• საპატიო ნიშნის ორდენი
  მრავალწლიანი წარმატებული შრომით საქმიანობისა და დამსახურებისათვის