თეიმურაზ მელქაძე

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1982 წელს.

უმაღლესი სასწავლებლის დამთავრების შემდეგ სამუშაოდ დატოვებულ იქნა ინსტიტუტის სამშენებლო კონსტრუქციების კათედრაზე ასისტენტად; 1983-1986წწ. იყო საქართველოს პოლიტექნიკური ინსტიტუტის ასპირანტი; 1987 წელს ლითონის კონსტრუქციების კათედრაზე დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი; 1987-1990წწ. მუშაობდა საქართველოს პოლიტექნიკური ინსტიტუტის სპეციალურ საკონსტრუქტორო ბიუროში ძალოვანი (კოსმოსური) სამშენებლო ელემენტების განყოფილების უფროსად; 1990-1992წწ. იყო ინსტიტუტის სამოქალაქო თავდაცვის კათედრის პედაგოგი; 1992-1997წწ. მუშაობდა საქართველოს ტექნიკური უნივერსიტეტის ლითონკონსტრუქციების კათედრაზე დოცენტ-პედაგოგად; ამავე პერიოდში, შეთავსებით მუშაობდა საქართველოს კავშირგაბმულობის სამინისტროს რესპუბლიკურ რადიო-სატელევიზიო გადამცემ ცენტრში უსაფრთხოების ტექნიკის ინჟინრად; 1997 წლიდან არის საქართველოს ტექნიკური უნივერსიტეტის სამშენებლო ფაკულტეტის სამრეწველო და სამოქალაქო მშენებლობის დეპარტამენტის ასოცირებული პროფესორი; 1997-2018წწ. პარალელურად, შეთავსებით, მუშაობდა საქართველოს შინაგან საქმეთა სამინისტროს საგანგებო სიტუაციების მართვის სააგენტოს, საფრთხეების პრევენციისა და დაგეგმარების სამსახურის უფროსად; ავტორია 43 სხვადასხვა პუბლიკაციისა და 9 გამოგონების; გამოცემუი აქვს სახელმძღვანელო, ერთი მონოგრაფია და ერთი მეთოდური მითითებები; მრავალწლიანი პედაგოგიურ-სამეცნიერო მოღვაწეობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 192

• საგანგებო სიტუაციების მართვა : სახელმძღვანელო (ავტორი). - თბილისი, ტექნ. უნ-ტი, 2017. - 279გვ.. - ISBN: 9789941207495
• საგანგებო სიტუაციებში კრიტიკული ინფრასტრუქტურის დაცვის საფუძვლები : სახელმძღვანელო (ავტორი). - თბილისი, ტექნ. უნ-ტი, 2012. - 170გვ.. - ISBN: 9789941200953
• საგანგებო სიტუაციებში მოსახლეობის მოქმედების წესები (ავტორი). - თბილისი, აწმყო, 2007. - 44გვ.. - ISBN: 9994073893