გივი მერკვილაძე

დაბადების ადგილი: სოფელი სვირი, ზესტაფონის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1976 წელს.

1976-2000წწ. მუშაობდა საქართველოს მშენებლობის სამინისტროს №2 სამშენებლო ტრესტის სისტემაში მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად, მექანიკური ქარხნის დირექტორად; 2001-2006წწ. იყო სამედიცინო კლინიკა "მედი"-ს მთავარი ინჟინერი, განაგებდა სამშენებლო და ექსპლუატაციის საკითხებს; 2006-2012წწ. ეწეოდა კერძო სამეწარმეო საქმიანობას ინდმეწარმის სტატუსით; 2013 წლიდან მუშაობს შპს "იმკ+"-ში სამუშაოთა მწარმოებლად; მისი უშუალო მონაწილეობითა და ხელმძღვანელობით განხორციელდა არაერთი სამრეწველო, სამოქალაქო და საზოგადოებრივი დანიშნულების ობიექტის მშენებლობა, მათ შორის: №3 ღვინის ქარხნის, ქ. თბილისში, მცხეთის ბიოკომბინატის კომპლექსის, №1 საშუალო სკოლის (გიმნაზიის) აღდგენა-რეკონსტრუქცია და სახვითი ხელოვნების მუზეუმის ქ. თბილისში, საცხოვრებელი სახლების ზაჰესის დასახლებაში და ქ. თბილისში, კონიაკის ქარხნის ახალი კორპუსის, სტომატოლოგიურ ცენტრ "მედი"-ს ქ. სანკტ-პეტერბურგში და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო და საპატიო სიგელები. 

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 193-194