მერი მესხი

დაბადების ადგილი: ქ. ამბროლაური.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1947 წელს.

1947-1952წწ. მუშაობდა ქ. თბილისის საბავშვო რკინიგზის სასწავლო ცენტრის ინჟინრად; 1952-1953წწ. იყო თბილისის საქალაქო საბჭოს აღმასკომის ტექნიკური საბჭოს ინჟინერი; 1954-1956წწ. მუშაობდა თბილისის საქალაქო საბჭოს აღმასკომის ტექნიკური ზედამხედველობის განყოფილების უფროს ინჟინრად; 1956-1965წწ. იყო ამავე აღმასკომის კაპიტალური მშენებლობის განყოფილების უფროსი ინჟინერი; 1965-1992წწ. მუშაობდა საქართველოს მშენებლობის სამინისტროს სამშენებლო-საწარმოო გაერთიანება "მთავართბილმშენი"-ს №14 სამშენებლო-სამონტაჟო ტრესტის №9 სამშენებლო სამმართველოს საგეგმო განყოფილების უფროსად; მონაწილეობდა ქ. თბილისის ვაჟა-ფშაველას გამზირის მიმდებარე II, III, IV და VII კვარტლებისა და ბახტრიონის ქუჩის განაშენიანების განხორციელებაში; ასევე ქ. თბილისის კინოთეატრ "საქართველოს", სპორტის სასახლისა და საკონცერტო დარბაზის მშენებლობაში; მრავალწლიანი თავდადებული შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 194

• შრომის წითელი დროშის ორდენი
  მრავალწლიანი თავდადებული შრომითი საქმიანობისა და დამსახურებისათვის