ანა ერისთავი

დაბადების ადგილი: ქ. ონი.

დაამთავრა ა. ს. პუშკინის სახელობის სახელმწიფო  პედაგოგიური ინსტიტუტის ბიბლიოთეკათმცოდნეობისა და ბიბლიოგრაფიის ფაკულტეტი 1983 წელს.

სხვადასხვა დროს მუშაობდა: სოფელ შეუბნის კლუბისა და ბიბლიოთეკის გამგედ, ლაჩთის ბიბლიოთეკის გამგედ, ონის № 2 საქალაქო ბიბლიოთეკის გამგედ; 1986 წელს დაინიშნა ონის ცენტრალიზებული საბიბლიოთეკო გაერთიანების დირექტორად; 2007 წლიდან მუშაობს ონის მუნიციპალიტეტის ბიბლიოთეკაში დირექტორის თანამდებობაზე; 2020 წელს საქართველოს მწერალთა ეროვნული აკადემიის საბჭოს გადაწყვეტილებით, დაინიშნა რაჭა-ლეჩხუმის რაიონში, ეროვნული კულტურისა და ტრადიციების დამცავი ცენტრის ხელმძღვანელად; მის მიერ, შესრულებულია, შოთა რუსთაველის "ვეფხისტყაოსანის" კალიგრაფიული ნიმუში, სკოლის რამდენიმე მეგობართან ერთად; 2020 წელს საქართველოს საპატრიარქოს ჩოხოსანთა საზოგადოებამ აირჩია, ონის სადროშოს მეთაურის მოადგილედ; 2021 წელს არჩეულია საქართველოს ეროვნული გმირის, ქაქუცა ჩოლოყაშვილის სახელობის სრულიად საქართველოს ჩოხოსან რაინდთა დასის წევრად; რამდენიმე ათეული წელია, რაც მისი ლიტერატურული ნაწარმოებები იბეჭდება საქართველოს მრავალ ჟურნალ- გაზეთებში, მათ შორისაა: "ცისკარი", "ოლე", "ათინათი", "ფაზისი", "რაჭველები", "ხორნაბუჯი", "საქართველოს ბიბლიოთეკარი", "კრიალოსანი", "კანდელი",  "რაეო", "ლიტერატურული გაზეთი", "ქალთა გაზეთი", "განთიადი", "ონი", "ამბროლაურის მოამბე", "მწერალთა გაზეთი" და სხვ.; მისი ლიტერატურული ნაწარმოებები, პოეტზე შექმნილი მრავალი ლექსი და პროზაული ნაწარმოებები, შესულია რამოდენიმე ათეულ სხვადასხვა კრებულებში; 2013 წლიდან არის, ლიტერატურული ალმნახის "ამერ - იმერის" თანარედაქტორი; ა. ერისთავი ავტორობით გამოცემულია შემდეგი პოეტური კრებულები: "გაზაფხული" ( 1997), "მეწამური ბილიკი" (2003), "დედაშვილობა" (2006), "ქვათა ღაღადი" (2008), "ქარმა მომიტანა ყვავილი" ( 2014), "ყვავილების აკვანი" ( 2017), "შემოდგომის მზე" (2022); მისი ლექსები შესულია რამოდენიმე ანთოლოგიაში: მათ შორისაა: პატრიოტული პოეზიის ანთოლოგია, ქართული ლიტერატურის ანთოლოგია და სხვა. არის ხალხური შემოქმედების ფესტივალის ლაურეატი, მიღებული აქვს პრეზიდენტისა და კულტურის სამინისტროს მადლობები, ხანგრძლივი და ნაყოფიერი შრომის გამო.

• ლიტერატურისა და ხელოვნების მოყვარულთა სალონი "მანდილი", დამფუძნებელი
• ლიტერატურული ალმანახის "ამერ - იმერის სარედაქციო საბჭო, წევრი
• მწერალთა ეროვნული აკადემიის წევრი და რაჭის რეგიონული ორგანიზაცია, თავმჯდომარე (2013-)
• საქართველოს "ფაზისის" საერო აკადემია, წევრი
• საქართველოს მწერალთა შემოქმედებითი კავშირი, წევრი (2010-)
• საქართველოს მწერალთა შემოქმედებითი კავშირის გამგეობა, წევრი
• საქართველოს მწერალთა, მეცნიერთა და საზოგადო მოღვაწეთა "ქალდეას" აკადემია, ნამდვილი წევრი - აკადემიკოსი
• ჯუმბერ ლეჟავას სახელობის მეცნიერებათა მრავალპროფილიანი საერთაშორისო აკადემია, წევრი

• ყვავილების აკვანი : პოეზია (ავტორი). - თბილისი, გამ-ბა "სვეტი", 2017. - 284გვ.. - ISBN: 9789941950094
• ქარმა მომიტანა ყვავილი... : ლექსები (ავტორი). - თბილისი, სვეტი, 2014. - 244გვ.. - ISBN: 9789941923036
• ქვათა ღაღადი : ლექსები (ავტორი). - ქუთაისი, საგამომც. ცენტრი, 2008. - 320გვ.. - ISBN: 9789941005039