ედუარდ ჯანელიძე

დაბადების ადგილი: სოფელი ახალსოფელი, ყვარლის რაიონი.

დაამთავრა საქართველოს სახელმწიფო ზოოტექნიკურ-სავეტერინარო სასწავლო-კვლევითი ინსტიტუტი 1965 წელს.

ეწეოდა სამეცნიერო-პედაგოგიურ საქმიანობას: 1965 წლიდან  საქართველოს რესპუბლიკის ზოოტექნიკურ-სავეტერინარო სასწავლო-კვლევითი ინსტიტუტის უფროსი ლაბორანტი, უმცროსი მეცნიერ-თანამშრომელი, 1969 წლიდან ასისტენტი, უფროსი მასწავლებელი, 1980 წლიდან განყოფილების გამგე; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა - თავისუფალი საქართველო", საარჩევნო ფორმა: პარტიული სიით, საქართველოს ეროვნულ-ქრისტიანული პარტია; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). ვეტერინარიის მეცნიერებათა დოქტორი. სამეცნიერო ნაშრომების ავტორი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/ კობა ამირხანაშვილი.- თბ.-2015., გვ.419

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ვეტერინარიისა და საკვებწარმოების კომისია, თავმჯდომარე (1990-1991)