გიორგი თედორაძე

დაბადების ადგილი: სოფელი ბჟოლიეთი, (ყოფილი ოზურგეთის მაზრა), ჩოხატაურის რაიონი.

დაამთავრა ქუთაისის გიმნაზია 1915 წელს, შემდეგ სწავლა გააგრძელა ოდესის უნივერსიტეტის სამკურნალო ფაკულტეტზე.

1918 წელს შეიპყრეს და სასიკვდილო განაჩენი გამოუტანეს, მაგრამ შემთხვევით გადაარჩინეს. 1919 წელს დაბრუნდა საქართველოში, ლექციებს კითხულობდა საქართველოს სხვადასხვა ქალაქებში. 1920 წელს, ქუთაისის გაზეთ "სოციალ-დემოკრატების" თებერვლის ნომრებში გამოაქვეყნა ოთხი ფელეტონი "ხელოვნება და დემოკრატია". 1922-1924 წლებში სწავლობდა თბილისის უნივერსიტეტის სამკურნალო ფაკულტეტზე და 1925 წელს, საქართველოს ჯანმრთელობის სახელმწიფო კომიტეტის დავალებით, ექიმად წავიდა ფშავ-ხევსურეთში, სადაც 1931 წლამდე მუშაობდა. 1934 წლიდან იყო სრულიად საქართველოს საბჭოთა მწერლების პოლიკლინიკის გამგე, ამავე დროს თანამშრომლობდა გაზეთებთან. დაწერა მონოგრაფია: "ხუთი წელი ფშავ-ხევსურეთში" (ტფილისი 1930), იგივე რუსულ ენაზე - "Пять лет в Пшавии и Хевсуретии" - Тб., 1941. მეორე წიგნი ქართულად გამოვიდა ამავე სათაურით 1939 წელს. 

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.287; გიორგი თედორაძე / გაზ. ლიტერატურა და ხელოვნება.-თბ.,1944.-4გვ.; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.52

• Пять лет в Пшавии и Хевсуретии : Историко-этнографический очерк (ავტორი). - Тбилиси , Заря Востока, 1941. - 164с.
• ხუთი წელი ფშავ-ხევსურეთში (ავტორი) // წ. 2 : გვარი, ოჯახი, სარწმუნოებრივი კულტი, ტანისამოსი, მკურნალობა. - თბილისი, საქმედგამი (სტ. "ზარია ვოსტოკა"), 1939. - 132გვ.
• ხუთი წელი ფშავ-ხევსურეთში : ეთნოგრაფიული ნარკვევები მხატვრული ილუსტრაციით (ავტორი). - ტფილისი, სილ. თავართქილაძის გა-მა, ზარია ვოსტოკა-ს სტ.), 1930. - 208გვ.