ვასილ თევდორაშვილი

დაბადების ადგილი: სოფელი ანაგა, სიღნაღის რაიონი.

დაამთავრა თბილისის სახელოსნო სკოლა.

1893 წლიდან თბილისის რკინიგზის მთავარ სახელოსნოში მუშაობდა ზეინკლად, იყო მემანქანის თანაშემწე, შემდეგ მემანქანე. 1889-1890 წლებში მონაწილეობდა საუბნო წარმოდგენებსა და დადგმებში. 1893 წელს იოსებ იმედაშვილთან, გიორგი ჯაბაურთან, დავით შველიძესთან, ისიდორე ძნელაძესთან, ამირან ნიკოგოსოვთან და მ. თუშმალიშვილთან ერთად, საფუძველი ჩაუყარა თბილისში მუშათა (ხალხურ) თეატრს, (ე. წ. "ავჭალის აუდიტორია"). რევოლუციურ მოძრაობაში ჩაება ცხრაასიანი წლებიდან, მის სახლში ცხოვრობდნენ ცნობილი პოლიტტერორისტები. 1910 წლიდან მისი სახლის პირველ სართულზე მოთავსებული იყო რსდმპ არალეგალურ გამოცემათა სტამბა და იარაღის საწყობი. გადასახლებული იყო დონის როსტოვში. რევოლუციის შემდეგ ეწეოდა კულტურულ-პარტიულ მუშაობას. სახალხო თეატრის დამაარსებელი, "სცენის მოყვარე ხელოსანთა ამხანაგობის" წრის პირველი თავმჯდომარე, რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.288