ომარ მხეიძე

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1966 წელს.

1966-1969წწ. მუშაობდა პოლიტექნიკური ინსტიტუტის სამშენებლო მექანიკის კათედრაზე ასისტენტად; 1969-1978წწ. საქართველოს მეცნიერებათა აკადემიის ა. რაზმაძის სახელობის მათემატიკის ინსტიტუტში, უწყვეტ ტანთა მექანიკის გამოყენებითი ამოცანების განყოფილებაში მეცნიერ-თანამშრომლად; 1978 წლიდან კვლავ მუშაობს საქართველოს პოლიტექნიკური ინსტიტუტის სამშენებლო მექანიკის კათედრაზე; 1979 წელს დაიცვა საკანდიდატო დისერტაცია ქ. მოსკოვის კუიბიშევის სახელობის საინჟინრო-სამშენებლო ინსტიტუტში და მიენიჭა ტექნიკურ მეცნიერებათა კანდიდატის სამეცნიერო ხარისხი; 1985-1989წწ. სსრკ განათლების სამინისტროს მიერ სამუშაოდ მივლინებული იყო საზღვარგარეთ, ადენის უნივერსიტეტში (იემენის რესპუბლიკა), სადაც ეწეოდა პედაგოგიურ მოღვაწეობას; საქართველოში დაბრუნების შემდეგ, 1989-2016წწ. მუშაობდა საქართველოს ტექნიკური უნივერსიტეტის სამშენებლო მექანიკის კათედრაზე პედაგოგ-დოცენტად; 2016-2018წწ. იყო ამავე კათედრის პროფესორი; მრავალწლიანი სამეცნიერო-პედაგოგიური მოღვაწეობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 207