ჯემალ ჯაყელი

დაბადების ადგილი: სოფელი კვაშტა, ქედის რაიონი.

დაამთავრა ქედის პედაგოგიური სასწავლებელი; ბათუმის შოთა რუსთაველის სახელობის სახელმწიფო პედაგოგიური ინსტიტუტი ფილოლოგიის სპეციალობით; მოსკოვის გორკის სახელობის ლიტერატურის ინსტიტუტი. 1975 წელს დაიცვა საკანდიდატო დისერტაცია და მოიპოვა ფილოლოგიის მეცნიერებათა კანდიდატის ხარისხი.

სხვადასხვა პერიოდში მუშაობდა: ბათუმის ილია ჭავჭავაძის სახელმწიფო დრამატული თეატრის ლიტერატურული ნაწილის გამგედ, აჭარის რესპუბლიკური ბიბლიოთეკის დირექტორად, გამომცემლობა "აჭარის" დირექტორად, საქართველოს მეცნიერებათა აკადემიის ბათუმის სამეცნიერო-კვლევითი ინსტიტუტის მეცნიერ-მუშაკად, იყო აჭარის უმაღლესი საბჭოს 3 მოწვევის დეპუტატი, აჭარის პარლამენტის სენატორი. ავტორია წიგნებისა: "სიჭაბუკე" (1957), "ჩანჩქერები" (1962), "აღმართი მარადიული მშვენიერებისა" (1971), "ლექსები" (1973), "სფინქსი სიბრძნისა" (1977), "რჩეული" (1978), "ნიმფა" (1981), "მზისა და წვიმის სერენადა" (1988),  მობრძანდება, ადამ" (1990), "სამტომეული" (1994), "რჩეული" (1997), "მუჰაჯირი" (1997), "თუ იგრძნო წამი" (1998), "ერთტომეული" (2003), "მაცდუნე, ევა" (2011) და სხვ.

წყარო: კვირა - მედიაჰოლდინგი: kvira.ge; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.106

• კავკასიის ხალხთა მეცნიერებათა აკადემია, აკადემიკოსი
• საქართველოს მწერალთა კავშირის აჭარის ორგანიზაცია, თავმჯდომარე
• საქართველოს ჰუმანიტარულ მეცნიერებათა აკადემია, აკადემიკოსი

• ფრიტიოფ ნანსენის სახელობის მშვიდობის საერთაშორისო პრემია
• მემედ აბაშიძის სახელობის პრემია
• გალაკტიონ ტაბიძის სახელობის პრემია
• ტბელ აბუსერისძის სახელობის პრემია
• ღირსების ორდენი

• ტრაპიზონის იმპერიის ქართული დიადემა (ავტორი). - ბათუმი, შოთა რუსთაველის სახელმწ. უნ-ტის გამ-ბა და სტ., , 2011. - 158გვ.. - ISBN: 9789941412585
• მზე მობრძანდება, ადამ : მითოლოგიურ-ფანტასტიკური რომანი (ავტორი). - ბათუმი , აჭარა, 1990. - 245გვ.
• მზისა და წვიმის სერენადა : რჩეული ლექსები (ავტორი). - ბათუმი, საბჭოთა აჭარა, 1988. - 282გვ.
• აღმართი მარადიული მშვენიერებისა : რომანები (ავტორი). - ბათუმი, საბჭ. აჭარა, 1986. - 256გვ.
• ქართველ მთიელთა ფოლკლორული ტრადიციები ალ. ყაზბეგის შემოქმედებაში (ავტორი). - ბათუმი, საბჭ. აჭარა, 1974. - 61გვ.
• ჩანჩქერები : ლექსები (ავტორი). - ბათუმი, აჭარის სახელგამი, 1962. - 94გვ.
• გულის საუნჯე : რომანი (ავტორი). - ბათუმი, აჭარის სახელგამი, 1959. - 288გვ.