ვლადიმერ ნემსიწვერიძე

დაბადების ადგილი: სოფელი ტვიში, ცაგერის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამშენებლო ნაკეთობებისა და კონსტრუქციების წარმოების ტექნოლოგიის სპეციალობით 1974 წელს.

1974-1975წწ. მსახურობდა საბჭოთა არმიის რიგებში; 1976-1978წწ. იყო საქართველოს მშენებლობის სამინისტროს სამშენებლო-სამონტაჟო ტრესტ "საქსპეცმშენი"-ს უფროსი ინჟინერი; 1978-1982წწ. საქართველოს მშენებლობის სამინისტროს №4 სამშენებლო ტრესტის მოპირკეთების სამმართველოს სამუშაოთა მწარმოებელი; 1982-1984წწ. იყო ქუთაისის საქალაქო საბჭოს აღმასკომის დაქვემდებარებაში არსებული სამშენებლო სამმართველო "ინჟმშენის" სამუშაოთა მწარმოებელი; 1984-1986წწ. ამავე საქალაქო საბჭოს აღმასკომის საწარმოო ტრესტ "წყალკანალის" უფროსი სამუშაოთა მწარმოებელი (უბნის უფროსი); 1985-1987წწ. მუშაობდა ქუთაისის საქალაქო საბჭოს აღმასკომის დაქვემდებარებაში არსებული №1 საბინაო-საექსპლუატაციო ტრესტის მთავარ ინჟინრად; 1987-1993წწ. იყო ამავე ტრესტის მმართველი; 1993-1996წწ. სამუშაოდ გადავიდა ქ. მოსკოვში, №6 სამშენებლო ტრესტის №125 სამშენებლო სამმართველოს უფროს სამუშაოთა მწარმოებლად (უბნის უფროსად); 1996-2006წწ. იყო სამშენებლო ფირმა "ვიტმა- რემსერვისის" მთავარი ინჟინერი; 2006-2016წწ. მუშაობდა სამშენებლო ფირმა "მინსკაია-2"-ის უფროს სამუშაოთა მწარმოებლად (უბნის უფროსად); საქართველოში დაბრუნების შემდეგ, 2012 წლიდან მუშაობს შპს "ბკ კაპიტალსა" და შპს "ბკ კონსტრაქშენში" უფროს სამუშაოთა მწარმოებლად (უბნის უფროსად); მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 210-211