შალვა ნეფარიძე

დაბადების ადგილი: ქ. საჩხერე.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი წყალმომარაგება-კანალიზაციის სპეციალობით 1973 წელს.

1973-1974წწ. მუშაოდა საქართველოს კომპარტიის საჩხერის რაიკომის ინსტრუქტორად; 1974-1978წწ. იყო საყალიბე ქვიშების მოპოვებითი სამმართველოს დირექტორი; 1978 წელს დაინიშნა საქართველოს სამშენებლო მასალათა სამინისტროს დარკვეთის საშენ მასალათა საწარმოო გაერთიანების დირექტორად, სადაც იმუშავა 1981 წლამდე; 1981-1982წწ. იყო ბაჯითის მშენებარე კარიერის დირექტორი; 1982 წელს არჩეულ იქნა საჩხერის რაისაბჭოს დეპუტატად და დაინიშნა რაისაბჭოს აღმასკომის თავმჯდომარის მოადგილედ, შემდეგ იყო რაისაბჭოს აღმასკომის თავმჯდომარე; 1990 წლამდე მუშაობდა ადგილობრივი თვითმმართველობის ორგანოებში; 1990-1991წწ. იყო საქართველოს კომპარტიის საჩხერის რაიონული კომიტეტის პირველი მდივანი; 1993-1998წწ. მუშაობდა საჩხერის რაიონის გამგებლის პირველ მოადგილედ; 1998 წლიდან შპს "საყალიბე ქვიშების" დირექტორია; მრავალწლიანი შრომითი მოღვაწეობისა და დამსახურებისათვის, ასევე საჩხერის რაიონისა და საქართველოს ეკონომიკური განვითარების საქმეში შეტანილი წვლილისათვის დაჯილდოებულია საუწყებო ჯილდოებით; მინიჭებული აქვს საჩხერის რაიონის "საპატიო მოქალაქის" წოდება.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 211

• ღირსების ორდენი