რაულ ნეფარიძე

დაბადების ადგილი: ქ. საჩხერე.

დაამთავრა საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტი წყალმომარაგებისა და კანალიზაციის სპეციალობით და მიენიჭა ინჟინერ-მშენებლის კვალიფიკაცია 1962 წელს.

უმაღლესი სასწავლებლის დამთავრების შემდეგ, სახელმწიფო კომისიის განაწილებით შრომითი საქმიანობა დაიწყო სსრკ "სახმშენი"-ს დაქვემდებარებაში არსებულ საპროექტო ინსტიტუტ "სოიუზვოდოკანალპროექტში", სადაც კარგი სამუშაო გამოცდილება შეიძინა, საბჭოთა კავშირის მსხვილი სამრეწველო ცენტრებისათვის წყალთა მეურნეობის ობიექტების პროექტირების სფეროში; ქ. მოსკოვის დ. პანფილოვის სახელობის კომუნალური მეურნეობის აკადემიის ასპირანტურაში დამთავრების შემდეგ დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი; აკადემიაში მუშაობის პერიოდში შეუფასებელი პროფესიული და სამეცნიერო სკოლა გაიარა; 50 წელზე მეტი იმუშავა ქ. მოსკოვის კომუნალური წყალმომარაგებისა და წყლის გაწმენდის სამეცნიერო-კვლევით ინსტიტუტში, სადაც გაიარა სამეცნიერო მუშაობის ყველა საფეხური უმცროსი მეცნიერ-თანამშრომლიდან დაწყებული ინსტიტუტის გენერალური დირექტორის თანამდებობამდე; 2007 წელს ის დაინიშნა საპროექტო ინსტიტუტ "გიპროკომუნწყალკანალის" გენერალურ დორექტორად; ერთდროულად ის აგრძელებს სამეცნიერო მოღვაწეობას რუსეთის ფედერაციის კომუნალური მეურნეობის აკადემიის წყალმომარაგებისა და წყალარინების სამეცნიერო-ტექნიკური ასოციაციის განყოფილების ხელმძღვანელად, ასევე კომუნალური წყალმომარაგებისა და წყლის გაწმენდის სამეცნიერო კვლევითი ინსტიტუტის ჩამდინარე წყლების ლაბორატორიის გამგის თანამდებობაზე; მის მიერ დამუშავებულია მთელი რიგი მეთოდებისა და ტექნოლოგიების, რომლებიც წარმატებით გამოიყენება გამწმენდი ნაგებობების პროექტირების, მშენებლობისა და ექსპლუატაციის დროს; მათ შორისაა აქტიური ლამის იძულებითი რეცირკულაციის აეროტენკ-სალექარების თეორიული საფუძვლები და ანგარიშის მეთოდიკა, რომელიც შევიდა წყალარინების დამპროექტებლის ცნობარში; დიდი შრომა აქვს ჩადებული წყალგამწმენდი დანადგარების დამუშავებასა და დანერგვაში, მკაცრ კლიმატურ პირობებში მშენებლობის დროს, ისეთ მნიშვნელოვან მშენებლობაზე, როგორიც იყო: "ბაიკალ-ამურის" სარკინიგზო მაგისტრალის მშენებლობა; ასევე -სურგუტის, ნრფტეი-უგანსკის, ნიჟნევარტოვსკის, ნადიმის, ირკუტიის, ჩუკოტკისა და სხვა ნავთობგაზმომპოვებელი რაიონების ათვისებაში; ასევე მის მიერ იქნა დამუშავებული უნიკალური ტექნოლოგია და ნაგებობათა კონსტრუქციები, ბაიკალის ტბის აუზის ჩამდინარე წყლების ზეღრმა გაწმენდისათვის; მის მიერ დამუშავებული ტექნოლოგიები და ნაგებობები, მისი აქტიური მონაწილეობით დანერგილია და მოქმედებს ექსპლუატაციაში რუსეთის მთელ რიგ რეგიონებში, დსთ-ს ქვეყნებში, ინდონეზიაში, ავღანეთში და ცეილონზე; ავტორია 90-ზე მეტი გამოქვეყნებული ნაშრომის, მიღებული აქვს 20 საავტორო მოწმობა და პატენტი; მისი ნაშრომები ფართოდაა ცნობილი რუსეთის ფედერაციაში და საზღვარგარეთ, რომლებიც არაერთგზის იყო აღნიშნული სხვადასხვა მედლებითა და დიპლომებით სამამულო და საზღვარგარეთის გამოფენებზე; ქ. ულანბატორის წყალსადენ-კანალიზაციის ნაგებობების პროექტის დამუშავებასა და მშენებლობაში აქტიური მონაწილეობისათვის მინიჭებული აქვს მონღოლეთის საბინაო-კომუნალური მეურნეობის "საპატიო მუშაკის" წოდება; არის ჟურნალ "სუფთა ქალაქის" სარედაქციო კოლეგიის წევრი, რუსეთის ფედერაციის კომუნალური მეურნეობის აკადემიის სამეცნიერო-ტექნიკური ასოციაციის სამეცნიერო საბჭოს წევრი, სახელმწიფო დუმის საექსპერტო საბჭოს წევრი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 212-213