მამისა ბერძნიშვილი

დაბადების ადგილი: ქ. თბილისი. 

დაამთავრა თბილისის სახელმწიფო უნივერსიტეტის ისტორია-ფილოსოფიის ფაკულტეტის საქართველოს ისტორიის განყოფილება 1948 წელს; იმავე წელს ჩაირიცხა ასპირანტურაში საქართველოს ისტორიის კათედრაზე.

1956 წელს მუშაობა დაიწყო ივ. ჯავახიშვილის სახელობის ისტორიის ინსტიტუტში უმცროს მეცნიერ-თანამშრომლად, შემდეგ ხანგრძლივად ეკავა მთავარი მეცნიერ-თანამშრომლის თანამდებობა; 1970 წელს გამოიცა მისი წიგნი "საქართველო XI-XIIსს-ში (სოციალურ-ეკონომიკური ნარკვევი)", რომელშიც შესწავლილია აღნიშნული პერიოდის სოციალური ფენები საქართველოში; ამ პრობლემასთან ერთად მას სიღრმისეულად აქვს შესწავლილი საქართველოს ისტორიული გეოგრაფიის საკითხები; მის სამეცნიერო ინტერესების სფეროში შედიოდა საქართველოს ისტორიული საზღვრების საკითხი, თბილისის ტერიტორია და მოსახლეობა; 1962 წელს მან გამოსცა "დოკუმენტები თბილისის ისტორიისათვის (XVI-XVIIIსს.)"; ოთხმოციან წლებში დაინტერესდა ქართული ეპისტოლოგიით; მას დიდი ღვაწლი მიუძრვის კარტოგრაფიის დარგში; შედგენილი და გამოცემული აქვს არაერთი ისტორიული რუკა; დიდი შრომა გასწია ვახუშტი ბაგრატიონის ატლასების გამოცემაზე (1997); არის ერთ-ერთი ავტორი "საქართველოს ისტორიის ნარკვევები"-სა, თბილისის ისტორიის ორტომეულისა; დიდი დრო და ენერგია მოახმარა ცნობილი ქართველი მკვლევრების მემკვიდრეობის შესწავლასა და გამომზეურებას; მონაწილეობდა წყაროთმცოდნეობითი პრობლემების და სსრკ ისტორიული ატლასის შედგენისადმი მიძღვნილ საკავშირო და რესპუბლიკურ სესიებში; ის იყო სსრკ მეცნიერებათა აკადემიის ისტორიის განყოფილებასთან არსებული ისტორიული გეოგრაფიის სამეცნიერო საბჭოს წევრი; მონაწილეობას იღებდა საერთაშორისო და რესპუბლიკურ კონფერენციებსა და სესიებში; იყო არაერთი ახალგაზრდა მეცნიერისა და ასპირანტის ხელმძღვანელი; ეწეოდა სამეცნიერო ნაშრომების ოპონირებას; წყაროთმცოდნე.

სადისერტაციო თემა - "ნიკორწმინდის "დაწერილი" XI საუკუნისა, როგორც საისტორიო წყარო", დაიცვა 1953 წელს. 

წყარო: ისტორიკოს მამისა ბერძნიშვილის 75 წლისთავის გამო / თ. ყაუხჩიშვილი, ლ. დავლიანიძე, დ. მუსხელიშვილი // ანალები / ისტორიისა და ეთნოლოგიის ინსტიტუტი. - თბილისი, 2001. - N2. - გვ.89-92

• ქართული ეპისტოლური წყაროები XV ს. - 1762 წ. (შემდგენელი). - თბილისი, მეცნიერება, 1989. - 189გვ.
• ფეოდალური ხანის საქართველოს ისტორიის წერილობითი წყაროები : წყაროთმცოდნეობითი გამოკვლევები (ავტორი). - თბილისი, მეცნიერება, 1989. - 88გვ.
• მეთერთმეტე საუკუნის ქართული საისტორიო წყაროები საქართველოს სოციალურ-ეკონომიკური ისტორიის შესახებ : (ნიკორწმინდელის დაწერილი) (ავტორი). - თბილისი, მეცნიერება, 1979. - 124გვ.
• საქართველო XI-XII საუკუნეებში : სოციალურ-ეკონომიური ნარკვევი (ავტორი). - თბილისი, მეცნიერება, 1970. - 153გვ.
• თბილისის გარეგანი სახე XVIII საუკუნეში : ქართ. დოკუმ. მასალის მიხედვით (ავტორი). - თბილისი, მეცნიერება, 1965. - 91გვ.