ნუნუ ოტიაშვილი

დაბადების ადგილი: ქ. ყვარელი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1961 წელს.

1961-1985წწ. მუშაობდა საქართველოს მშენებლობის სამინისტროს სამშენებლო გაერთიანება "თბილქალაქმშენი"-ს №9 სამშენებლო სამმართველოში ინჟინრად, უფროს ინჟინრად, საწარმოო-ტექნიკური განყოფილების უფროსად; 1985 წელს №9 სამშენებლო სამმართველო გადაცემულ იქნა საქართველოს მშენებლობის სამინისტროს №14 სამშენებლო ტრესტის შემადგენლობაში და ის დაინიშნა ტრესტის სახარჯთაღრიცხვო სახელშეკრულებო განყოფილების უფროსად; №14 სამშენებლო ტრესტი კვლავ რეორგანიზებულ იქნა №5 სახლმშენებელ კომბინატად და ის ინიშნება კომბინატის უფროსის მოადგილედ ეკონომიკურ საკითხებში. აღნიშნულ თანამდებობაზე მუშაობდა 1993 წლამდე; 1993 წლიდან საქმიანობას ეწეოდა სამშენებლო სფეროში, კერძო სტრუქტურებში; აქტიური მონაწილეობა აქვს მიღებული ქ. თბილისის განაშენიანების საქმეში, საცხოვრებელი მიკრორაიონების მშენებლობის მიმართულებით, მათ შორის: ვაჟა-ფშაველას I-VII საცხოვრებელი კვარტლების, ბახტრიონის ქუჩისა და იყალთოს მთის განაშენიანებაში; მონაწილეობდა ქ. თბილისის სპორტის სასახლის, სასტუმრო "აჭარის" და ქ. თბილისის საკონცერტო დარბაზის (ფილარმონიის) მშენებლობაში; აგრეთვე აქტიურად იყო ჩართული საცხოვრებელი სახლების მშენებლობაში ქ. სლავუტიჩში, ჩერნობილის ატომური სადგურის ავარიის შემდეგ და მიწისძვრის შედეგად დაზიანებული საცხოვრებელი სახლების აღდგენითი სამუშაოების შესრულებაში საჩხერის რაიონის ტერიტორიაზე; მიღებული აქვს სახელმწიფო და საუწყებო ჯილდოები, საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 214-215