ალექსანდრე თორაძე

დაბადების ადგილი: სოფელი ჭვიში, ვანის რაიონი. 

დაამთავრა ქუთაისის გიმნაზია, ჟენევის უნივერსიტეტის ფილოსოფია-სოციოლოგიისა და ლიტერატურის ფაკულტეტები (1910-1914), აქვე დაუახლოვდა სინდიკალისტურ მოძრაობას. საქართველოში დაბრუნდა 1907 წელს; მუშაობდა ქართული და ფრანგული ენების მასწავლებლად ქუთაისის ყაუხჩიშვილის ქალთა გიმნაზიასა და ვაჟთა მეორე გიმნაზიაში; სახალხო უნივერსიტეტში კითხულობდა ლექციებს ლიტერატურის საკითხებზე (ბელინსკი, ბესიკი, ილია ჭავჭავაძე, მარქსისტული სოციალიზმი და სხვ.). თბილისში გადმოსვლის შემდეგ ხელმძღვანელობდა განათლების მუშაკთა სახლს, ასწავლიდა ამიერკავკასიის უნივერსიტეტში; 1930 წლიდან იყო თბილისის სასოფლო-სამეურნეო ინსტიტუტის დოცენტი. სამწერლო ასპარეზზე გამოვიდა 1906 წელს, გამოქვეყნებული აქვს პოლიტიკური და ეკონომიკურ-სოციალური ხასიათის წერილები: "რევოლუციური სინდიკალიზმი საფრანგეთში" ("ცნობის ფურცელი", 1906), "სინდიკალიზმი და მარქსიზმი" ("ისარი", 1907); "სოციალური მოტივი ილია ჭავჭავაძის პოეზიაში" ("ისარი", 1908); 1912 წლიდან მუდმივად თანამშრომლობდა ქუთაისის გაზეთ "კოლხიდაში"( "რა არის კრიტიკა?", "ეროვნება", "ილიას და აკაკის შემოქმედება"- №28, 43, 165); 1914 წლიდან კი ქუთაისის გაზეთებთან "სამშობლო" (აქ დაიბეჭდა "ჩვენი საზოგადოებრივი აზროვნების ევოლუცია") "ჩვენი ქვეყანა" და სხვ. სინდიკალისტი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.323

• ეროვნულ-დემოკრატიული პარტია, ქუთაისის საგუბერნიო კომიტეტის თავმჯდომარე

• (ბესარიონ გაბაშვილის) ბესიკის ცხოვრება და შემოქმედება (ავტორი). - ქუთაისი, მერანი, 1919. - 48გვ.
• ფრანგული ენის სახელმძღვანელო მე-III და მე-IV კლასისათვის (ავტორი). - ქუთაისი, მერანი, 1919. - 88გვ.