ქეთევან ძოწენიძე

დაბადების ადგილი: ქ. ქუთაისი.

დაამთავრა ქუთაისის პედაგოგიური ინსტიტუტის ქართული ენის და ლიტერატურის ფაკულტეტი 1937 წელს; თბილისის სახელმწიფო უნივერსიტეტის ასპირანტურა ძველი ქართული ენის სპეციალობით - 1940 წელს.

30 წლის განმავლობაში ეწეოდა სამეცნიერო-პედაგოგიურ მოღვაწეობას ქუთაისის პედაგოგიურ ინსტიტუტში. მუშაობდა ქართული ენის კათედრაზე; 1958 წლიდან გარდაცვალებამდე იყო ამავე კათედრის გამგე. იკვლევდა ძველი და ახალი სალიტერატურო ქართულის სტრუქტურისა და ისტორიის საკითხებს, ქართული ენის დიალექტებს, მწერალთა ენასა და სტილს. მისი შრომებიდან აღსანიშნავია მონოგრაფიული გამოკვლევები - "სახელთა ბრუნება ძველ ქართულში პავლეს ეპისტოლეთა მიხედვით" (დაბეჭდილია ავტორეფერატი, 1950) და ფუნდამენტური ნაშრომი ზემოიმერულის შესახებ, რომელიც გამოიცა ორ წიგნად. ქართველოლოგი, ფილოლოგიის მეცნიერებათა კანდიდატი (1950).

წყარო: ქართული ენა: ენციკლოპედია. - თბ. 2008. - გვ.567-568

• ზემოიმერული ლექსიკონი (ავტორი). - თბილისი, განათლება, 1974. - 645გვ.
• ზემოიმერული კილოკავი : ენობრივი მიმოხილვა და ტექსტები (ავტორი). - თბილისი, თბილ. უნ-ტის გამ-ბა, 1973. - 563გვ.