ომარ სარალიძე

დაბადების ადგილი: ქ. ჭიათურა.

დაამთავრა თბილისის პოლიტექნიკური ინსტიტუტი ინჟინერ-მშენებლის სპეციალობით 1980 წელს; სახალხო მეურნეობის მართვის ინსტიტუტი 1981 წელს.

1962-1963წწ. მუშაობდა ენგურჰესის მშენებლობაზე მებეტონედ; 1963 წელს აირჩიეს მშენებლობის ახალგაზრდობის ხელმძღვანელად, კომკავშირის კომიტეტის მდივნად; 1965-1973წწ. იყო მშენებლობის დისპეტჩერი და უფროსი დისპეტჩერი; 1973-1981წწ. მუშაობდა ენგურჰესის მშენებლობის სამმართველოს უფროსის მოადგილედ. მიღებული აქვს საქართველოს უმაღლესი საბჭოს პრეზიდიუმის საპატიო სიგელი. დაიღუპა ტრაგიკულად ავტოკატასტროფაში.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 228-229

• ხალხთა მეგობრობის ორდენი
• საქართველოს დამსახურებული ინჟინერი