ბრაიან ჯორჯ ჰიუიტი

დაბადების ადგილი: დონკასტერი (ინგლისი).

დაამთავრა კემბრიჯის უნივერსიტეტი (ინგლისი) 1973 წელს; 1979-1980წწ. - სტუდენტთა გაცვლის პროგრამით სწავლობდა თბილისის სახელმწიფო უნივერსიტეტში, აგროვებდა მასალას დისერტაციისთვის ძველ ქართულ ენასა და სვანურ ენაზე; 1981-1988წწ. კითხულობდა ლექციებს ჰალის უნივერსიტეტიში (ინგლისი); 1982 წლიდან - კებრიჯის უნივერსიტეტის ფილოსოფიის დოქტორი; 1988 წლიდან ლონდონის უნივერსიტეტში კავკასიური ენების პედაგოგი; 1995 წლიდან - სოხუმის უნივერსიტეტის საპატიო დოქტორი; 1996 წლიდან - კავკასიური ენების პროფესორი; 1997 წლიდან - ბრიტანეთის აკადემიის მეცნიერ-მუშაკი; 1998 წლიდან - ლონდონის უნივერსიტეტის აღმოსავლეთმდოცნეობისა და აფრიკათმცოდნეობის სკოლის (SOAS) პროფესორი. ავტორია მონოგრაფიების, სახელმძღვანელოებისა და სტატიებისა. გამოქვეყნებულია ცალკე წიგნებად "აფხაზური ენა", ზ. ხობასთან ერთად - LDS (Lingua Descriptive Suties), vol. 2, 1979; "დაქვემდებარების ტიპოლოგია ქართულსა და აფხაზურში", Berlin; "ქართული ენა: სტრუქტურულ მიმართებათა გრამატიკა", Amsterdam/Philadelphia/London; "ქართული ენა: გრამატიკა შემსწავლელისთვის", Amsterdam/Philadelphia/London; "ქართული ენა: გრამაქტიკა შემსწავლელისთვის", London an New York, 1996;  "ქართული საკითხავი. ტექსტებით, თარგმანითა და ლექსიკონით", London, 1996. რეცენზიებიდან მნიშვნელოვანია რეცენზია ა. ჰარისის წიგნზე: Diachronic syntax: the Kartvelian case, 1987. 1980-იან წლებში აქვეყნებდა აგრეთვე ქართული მხატვრული პროზის (ვაჟა-ფშაველას მოთხრობები) ინგლისურ თარგმანებს. ინგლისელი ენათმეცნიერი, ქართველოლოგი.

წყარო: ქართული ენა: ენციკლოპედია. - თბ. 2008. - გვ.614; კავკასიის რეგიონის სამეცნიერო ქსელი: caucasus-mt.net

• აფხაზეთის ავტონომიური რესპუბლიკის მეცნიერებათა აკადემია, საპატიო წევრი (1997-)
• საერთაშორისო ჩერქეზული ასოციაცია, საპატიო წევრი (1997-)