გიორგი სულაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით და მიენიჭა ინჟინერ-მშენებლის კვალიფიკაცია 1981 წელს; საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის ასპირანტურა სამშენებლო კონსტრუქციებისა და შენობა-ნაგებობების განხრით 1987 წელს.

1981-1997წწ. მუშაობდა თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში ("თბილზნიეპი"), ინჟინრის, უმცროსი მეცნიერ-თანამშრომლის, უფროსი მეცნიერ-თანამშრომლის თანამდებობებზე; 1997 წლიდან მუშაობს საპროექტო ინსტიტუტ "საქბინრემპროექტში" და მის ბაზაზე შექმნილ ფირმებში: შპს "საქბინრემპროექტი", შპს "ივერკონტრაქტი" და შპს "ჯეოგლობაი" პროექტის მთავარ ინჟინრად; სამეცნიერო-კვლევითი მოღვაწეობის პერიოდში დამუშავებული აქვს და ავტორია 2 გამოგონების; გამოქვეყნებული აქვს 20-მდე სამეცნიერო სტატია; მისი უშუალო მონაწილეობით დამუშავებულია მრავალი შენობა-ნაგებობების მშენებლობის, რეკონსტრუქციისა და გამაგრების პროექტები; მათ შორის: გოეთეს სახელობის სასწავლო ინსტიტუტის (ყოფილი გერმანიის საელჩო) მ. ჯავახიშვილის ქუჩაზე და საქართველოს თეატრის, მუსიკის, კინოსა და ქორეოგრაფიის მუზეუმის რეკონსტრუქციის, საქართველოს თავდაცვის სამინისტროს სამხედრო აკადემიის შენობის გამაგრების; აგრეთვე მრავალი საცხოვრებელი სახლისა და სხვადასხვა დანიშნულების შენობა-ნაგებობების გამაგრება, რეკონსტრუქცია-რეაბილიტაციის პროექტები - ძველი თბილისის ზონაში, ვარკეთილისა და ვაზისუბნის მიკრორაიონებში, მესამე მასივისა და აეროპორტის დასახლებებში და სხვა; მრავალწლიანი სამეცნიერო-კვლევითი, პროფესიული პრაქტიკული საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები; დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი 1990 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 234-235