ლალი ავალიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1962 წელს; ამავე ფაკულტეტის უახლესი ქართული ლიტერატურის კათედრის ასპირანტურა 1965 წელს.

1963 წლიდან იყო "ვაჟა ფშაველას კაბინეტის" მუდმივმოქმედი სემინარის წევრი და თუშ-ფშავ-ხევსურეთში ექსპედიციათა ("ვაჟა ფშაველას ნაკვალევზე,") უცვლელი მონაწილე; 1966-1990წწ. "ქართული საბჭოთა ენციკლოპედიის" სამეცნიერო რედაქციის დაარსებიდან მუშაობდა ენისა და ლიტერატურის განყოფილებაში უმცროსი, შემდეგ უფროსი სამეცნიერო რედაქტორის თანამდებობაზე (კურირებდა ქართულ ლიტერატურას); 1970-1973წწ. უახლესი ქართული ლიტერატურის კათედრის მიწვეული ლექტორის რანგში კითხულობდა სპეციალურ კურსს - "XX საუკუნის 10-20-იანი წლების ქართული ლიტერატურული დაჯგუფებანი"; 1990 წლიდან იგი შოთა რუსთაველის ლიტერატურის ინსტიტუტის ქართული ლიტერატურის სამეცნიერო განყოფილების უფროსი მეცნიერი თანამშრომელია; 1966 წლიდან მისი გამოკვლევები, კრიტიკული წერილები და პუბლიცისტური ესეები იბეჭდება ქართულ პერიოდიკაში; გამოქვეყნებული აქვს სამასამდე სტატია; დღესაც სისტემატურად თანამშრომლობს სამეცნიერო გამოცემებსა თუ ლიტერატურულ ჟურნა-გაზეთებში. პირველი "ქართული საბჭოთა 11-ტომიანი უნივერსალური ენციკლოპედიის" გამოცემაში დიდი წვლილისათვის დაჯილდოებულია საქართველოს სსრ უმაღლესი საბჭოს პრეზიდიუმის საპატიო სიგელით (1987). ლიტერატურის ისტორიკოსი, ესეისტი, კრიტიკოსი, ფილოლოგიის დოქტორი.

საკანდიდატო დისერტაციის თემა - "პაოლო იაშვილის ცხოვრება და შემოქმედება", დაიცვა 1969 წელს.   

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.160

• ალმახან "მწიგნობარის", წევრი
• ჟურნალ "კრიტიკის" რედკოლეგიის, წევრი

• 2013 - პრემია "საგურამო" (ნომინაცია - კრიტიკა)

• მზიური პაოლო (Author). - თბილისი, მერანი, 1995. - 176გვ.
• ლიტერატურული წერილები (Author). - თბილისი, მერანი, 1992. - 304გვ.
• პაოლო იაშვილი (Author). - თბილისი, საბჭ. საქართველო, 1977. - 112გვ.